Myanmar gamsung aom thongkia te an alimzaw in kivakding

Maikum akipan Myanmar gamsung aom thongkia te an alimzaw in kivakding

Myanmar gamsung aom thongkia te nisim annek tuidawn te etphatna kinei a, maikum sungah alimcizaw in an kivakding hi ci’n Correctional Department te’n ageelna uh pulakkhia uhhi. Abeisa in Myanmar Prison sungah nekledawn pen gina hetlo kici a, ahi zongin maikum January 1 ni akipan thongkia te “daily meal allowance” pen azahnihphial in alimcizaw in kipiading ci Coconuts News pan kiza hi.

Tulaitak thongkia “Regular Prisoner” khat ii nikhat anek pen K600 (US$0.44) hi a, Labor Camp sungah aom Prisoner tepen K625 ahihi. (atung a Photo pen 2015 kumsung Thayawady Prison ah UN Speacial Rapporteur on Human Rights panin Yanghee Lee ahawh laitak ahihi)

Correctional Department te’n Regular Prisoner te ii “daily meal allowance” pen K975 ah khanding ci a, Labor Camp Prisoner tepen K1,000 ah khansakding ci uhhi.

Tuabang in thongkiate nisim nekledawn Budget kikhan hileh kalkhat in sameh 4 veibang kipiazo dinghi. Tulaitak ahihleh thongkia te kalkhat in ni 2 bek sameh kipiazo hi ci’n Correctional Department panin Deputy Director asemlaitak ahi Min Tun Soe in genkhia hi.

Tuabek thamlo January 1 ni akipan nisim in bemeh kipiadenzo dinghi ci’n genbeh hi. Abeisa ah bemeh pen nisim in kipiazolo a, kalkhat in ni 5 bek kipiazo cihi.

Myanmar gambup ah thonginn akigawm in 46 Prisons om a, Labor Camp akigawm in 60 om hi. Thonginn athak 3 ki lambeh in, khatpen mansiangkhin hi.

Kachin State sungah akilamthak ahi Mohnyin Prison pen thongkia te ki koihtheita cihi. Kumbei ciangin Mon State sungaom Kyaikmaraw thonginn mansiangding a, tuaban ah Bago Region sung aom Daik-U thonginn zong ki zosiang tading hi ci’n Min Tun Soe in pulakbeh hi.

Tua thonginn akilamthak tepen “A-rated prisons” kici a, thongkia mi 1000 ciang kikoih theiding hi. Thonginn athak akilambeh pen thongkia atam semsemman hilozaw a, aomsa thonginn tetawh tua aki lamthakna Area te ki gamla ahih manin, akinaiding in athak aki lambeh hizaw cihi.

More: Singapore ah numei te kisil laitak Video azaihsim Myanmar pasal khat thongkiading

Tulaitak Myanmar gambup ah thongkia 90,000 inmates bang om cihzong kiza hi. An limzawding, sameh nekhading cihtawh ki hanthotna hizenzenkei, abeisa in thongsung ah an limhetlo cih atungngei te’n limgen mahmah uh ahih manin, hih thuthak aomciang theihhuai mawkmawk cihtawh hongki suaksak hizaw hi 🙂 Sawltak #zomidaily