Myanmar kumpi in cidamna lamsang ah zato siama “Nurse” azahnih in behlapding

Myanmar kumpi in cidamna lamsang ah zato siama “Nurse” azahnih in behlapding

Myanmar gamsung aom zato lamsang Health Sector ah tulaitak zato siama “Nurse” kicingzo mahmahlo ahih manin, tulaitak aomsa Nurse sangin azahnih in behlapding geelna kinei cih MMTimes pan kiza hi.

Myanmar Health Human Resources Department of the Ministry of Health and Sports ah tulaitak Director General asem ahi Dr. Tin Tin Lay inzong tulaitak Nurse tampi kisam hi, abeisa kumte sangin Nurse azahnih in atamzawding in ki hanciamding hi ci’n genkhia hi.

Nungkumsung in Nurse akigawm in 1800 nasep kicial a, tukumpen azahnih in kikhanding ahih manin, Nurse bekbek 3600 bang nasep kicialding hi ci’n genkhia hi. Tuabangin behlapding Nurse Application akibawlsa tepen tulaitak aki etcian laitak cihi.

Myanmar gambup ah tulaitak Nurse pen tawmlualai ahih manin, kumsim in Nurse tampi nasep kicialbeh totoding a, kum 5 sungin gambup ah akisamzah Nurse pen ki ngahzoding in ki lamen cihi.

Myanmar Health Ministry panin “Health Human Resource Strategy for 2018 – 2021” kici Draft zong bawlkhin uh a, tuasung ah Nursing Skills Policy zong kihel hi. Nurse tepen akisam pilna siamna tetawh kidim in, Qualified Nurses tampi aki neihtheih nadingin Nursing University te ahzong laisin laihilhzia Curriculum tezong etphat, puahphatna kineiding hi ci’n Dr. Thet Khaing Win in genkhia hi. Dr. Thet Khaing Win pen Health Ministry ah Permanent Secretary aseplaitak ahihi.

Cidamna lamsangtawh kisai in Health Sector ah aki thupi ngaihsut leh akimasakdiakpen School Health ahihi. Tuaban ah Nurse leh Midwife tampi zong Training kipiading a, mipi te cidamna lamsang atheihhuai Basic Health genpihding, Health Workers tampi Training piakbehding cihzong geelna kinei cihi.

More: Kawlgam pan amasapen numei pasal omkhopna “Porn Movie” cizen ei

Alimlim in Myanmar gamsung ah cidamna lamsang ah akizang vanzat Health Infrastructure pen akisam tampi om ahih manin, tuate puahphat behlap nadingin Health Budget zong ki khankhinta hi. Myanmar gamsung ah Health Sector pen hong hoihkikding in ki lamen hi ci’n genbeh hi. Sawltak #zomidaily