“Zogam leitangh – Zomi’n luah hen” leh Myanmar Land Use Policy (draft)

“Zogam leitangh – Zomi’n luah hen” leh Myanmar Land Use Policy (draft)

Myanmar Land Use policy tawh kisai in, Pu Hang Khan Lian in mipite khuaphawk ding deihna tawh ong taangkona ka muh ciang ka lungsim ong sukha pawl khat om a hih man in, tawm khat ong kup pih hi ingh.

Gam leh leitang a nei leh ukna tawh kisai in ih et kik ding pawlkhat om hi

(1) 1948 February 20, Zomi Nam Ni (Chin National Day) ih cih te in ih gam ih lei phattuamsak maw, siatna ong tun hiam? A beisa hunte ah Galkap te utut thu a ki uk hi lel in, thucin thutang ki ngaihsun khol lo in ka mu hi. Ih Zomi Nam Ni a ih bawlzel pen, ih gam ih leitang Kawl kumpi tung ah ih aap ni a hi kha diam?

(2) Tu hun ciang in ih Zogam, a diak in Tedim, Tonzang, Cikha gam teng pen leitang manpha in ki mu thei hi. Chin State sung ah leitang a manpha pen Tedim, Tonzang, Cikha kual leh Paletwa kiimteng company sumnei ten ong na mitsin mahmah uh hi.

Keima muhna ciang a tom in ci leng – Tedim/ Tonzang Cikha kual leh Tamu, Kalaymyo kim teng pen Asian Super Highway Number 1 in ong nawk ding hi. India Look East Policy in ong nawk na sia lua khin in, Rih – Tedim – Kalay leh Moreh – Tamu – Kalaymyo lampi te ong ki puah khin hi in, mailam ah ong ki nak puah mahmah lai ding hi.

A mun a mual a leitang nei a, khuasa te ong ki khual man hi lo in – sum met bawlna ding a a hoih mun a hih man hi. Paletwa lam zong India ten, Mizoram leh Rakhiang gam a seaport tawh kizopna ding a lampi a hih man in a nak puah/ encik mahmah uh hi lel hi.

Ih pu Kam Hau hun a leitang huam leh, a kiim a pam a khuapi khua neu , leitang kici te ong man nei semsem ding hi. Kawl zang a, lokhote’n a thuak mahmah khin uh hi a, ei lam mualtung lam a omte zong ong ki deihgawh mahmah simta cih ding hi.

Tu hun a, ih apple, lingmaw, lengthei, vaimin a ki pan ih gam a piang khempeuh in man ong nei ding hi. Bang hang hiam cih leh, ih leitang pan a piang te gamdang ah baihtak a ki zuak theih hun ong tung ding in, Asian Super Highway lampi nawk khak na a leitang teng pen ong manpha semsem ding hi.

A puakna baih in, Tedim pan Bangkok/ Kula lampur Bus tawh ni 1 ni 2 a tung thei ding. Refrigirated Bus tawh Singapore, Souel, Hong Kong, Shanghai ta tun theih hun ong tung din hi. Kum 10 kum 20 hung khang a ong piang thei ding thu hi.

A beisa hun thu leh , tuhun a ki puahphasan law, Regulation, Policy… etc ih theih cian ding kisam a, bang cih mapan ding, vaihawm ding ….

En ih ngaihsut kei leh kuan ngaihsun ding, kuan vaihawm ding, kua ki pia ding……..

A lung hihmawh huai takpi thu a hih lam Pu Hang Khan Lian ii ong thu sun pen, ih vaihawm siam ding thu khat in ka na ngaihsun hi. Ghin Mang Shoute