Myanmar Embassy, Singapore pan Zika Virus hangin thutangkona

Myanmar Embassy, Singapore pan Zika Virus hangin thutangkona

Singapore gamsung ah Zika Virus hangin ki lunghimawhtek ahih manin leitung gamtuamtuam te’n amite uh kidopding thutangkona atuamtuam neitek uhhi. Singapore gamsung aom Myanmar Embassy inzong 02 Septermber 2016 ni in thu tangkona khat khahkhia uhhi. Tuasungah:

Singapore gamsung ah Zika Virus kimukhia in, kilawh kawikawi hi. Hih natna angahte pen acisa in nattun danin om uh a, aci avun tezong thaksa uhhi. Amitang uh san gialgual a, apumpi golhgawp in alutang nasa uhhi.

30 August sun 12pm hunin Singapore gamsung aom Kawlgam mi 2 inzong hih Zika Virus hong ngahkha uh a, ahi zongin noptuam zawdeuh hi. Amau tegel pen hoihtak in akikep aki etcik laitak hi a, cina te phalna omlo in amau mimalthu ki genkhialo dinghi.

Hih natna akilawhkha Kawlgammi aom a, huhna akisap leh Embassy Emergency Phone 8246 8581 ah kizasak theihi.

Kawlgam pan Singapore hongzinsawm naupaai nupi te hih natna hangin tusung nong zinlohding uh hoihzaw a, nau apaaisawm tezong tawmvei nau paainailoh photding hoihzaw hi cihthu Singapore aom Myanmar Embassy panin zaksakna nei uhhi. ZD Sawltak #zomidaily