Myanmar Election vai ZCD lungdam pihna

Myanmar Election vai ZCD lungdam pihna

To, Dear Zomite Aw – Pasian deihsakna hang leh leitung thupha tawh hong phungvuhna hangin, khang banzah hiam, apaikhitzoh ciangin, Kawlgambup kitelpina hong omthei in, Zogam (Chin) State pan in ZCD in, gualzohna mun bangzah hiam-ah, ineihtheihna hangin lungdamna lianpi ibiak Pasian tung ikoh ding leibat ineih hi. Zomi khatpeuh in, i omna ciat panin, Pasian tungah Lungdam thungetna ineih ding kisam hi. Tua ahihmanin, thungetna nei ciat ni.

ZCD Pan a kitelna gualzote min mah lgiatgiat in thungen ni. Mailam-ah, ei amipite, Pasian deihna tawh kituaka, gam sung leh a minamte khangtohna ding a hong septheihna ding un.

Kitelna ahihmanin, ZCD Party a hong vote lote zong, Zomi mah hi uh a, kisuanna leh lungsim tuam aneihlo na ding leh Zogam leh Zomite adinga, mailam hun cianga, ma a hong bungtheihna ding uh leh, Zomi makai muanhuaitak ahihtheihna ding in thungetna phawk ni.

Kawlgambek a dinga, ZCD Party banga kingaihsunlo a, Leitungbup Zomite omnana gamte ading zong, ma a hong bunzohna ding in…….

Mipte in, makai dingte adingin thungetna atamtheithei ineihsak ding kisam ahihzia zong, biakna makaite in, nakpitakin, tangko ding hihang…..,

• 1. Pu Cin Sian Thang
• 2. Pu Gin Kam Lian
• 3. Pu Pau Min Lun Thang
• 4. Pu Thang Deih Khup
• 5. Pi Cing Ngaih Mang

Hih atungate pen kei mimal aituam in lungdamna hih TONGSAN MEDIA tungtawn in Ka kipahna leh Lungdamna kong tangko hi. Pasian in, cidamna thupha leh vaihamsiamna thupha hong piaksakta hen. S. Dal Sian Pau (Secretary, ZOLLS)