Myanmar Airways in Yangon – Bangkok khualzinna khiamloding

Myanmar Airways in Yangon – Bangkok khualzinna khiamloding

Tulaitak pen Kawlgam leh Thai akibuai litlit laitak hi a, tuahang mahin gamnih kizopna zong tampi sukha khin veve hi. Kawlgam mi 2 te sihdan kipiakna vaihangin Kawlgam bekthamlo, gamdang aom Kawlgammi te’nzong lungphona neikawikawi uh a, a cianghciangh ah kibuai tek hi.

Hih Myanmar leh Thai buaina hangin vanlam tawh khualzinna bang acidiam cih Myanmar Airways International (MAI) te akidot ciangin khiatding geelna omlo cihi.

MAI Airline pen Yangon leh Bangkok Direct in nisim nihvei ta alengden hi a, a ngei mahbang in lengsuaksuak laiding cih kiza hi.

MAI ah Assistant General Manager asem laitak ahi Aye Marya Tha in agenkhiatna ah khualzinna Schedule te khiapding gelna omlo a, aki zuaksa Schdule tezong a ngei mahbangin lengsuaksuakding cihi.

Koh Tao buaina hangin vanleng Schedule te bangmah sukkhakna omlo hi ci’n Aye Marya Tha in genbeh hi.

Kawlgam leh Thai gamgi khuapi khat ahi Tachileik bangmah lungphona nasia mahmah a, sihdan apiak uh Kawlgammi nih te akhahkhiat mengmeng nading un mipi in ngetna nasiatak in nei uhhi. Malaysia leh Japan gamte ahzong lungphona nasia mahmah hi.

Yangon aom Thai Embassy zong December 28 pan December 30 dong akikhakcip khin hi a, mailam ah gamnih kizopna Embassy te bangci kalsuanding cih ki theinailo hi. ZD Sawltak #zomidaily