Thailand panin aciahsawm Myanmar gammi 14 te tuanna mawtawpei puakkham in meikuanggawp

Thailand panin aciahsawm Myanmar gammi 14 te tuanna mawtawpei puakkham in meikuanggawp

Thailand gamsung aom Myanmar gammi nasem 14 te atuanna Van mawtaw khattawh Tyre panin meikuanggawp cih Bangkok Post pan kiza hi. Tua Van mawtaw sungah atuang Myanmar gammi 14 tepen Kawlte tuibuahpawi “Myanmar Thingyan Festival” innlam ah azangding in Thai gampanin aciahkhia uh ahihi.

Tua Van Driver ahi kum 53 aphakhin Singthong Sukprasoet kici in Police te tungah agenkhiatna ah mawtawpei Tyre amailam ataklam apuakkham aging kaza masa cihi.

Hih thupiang pen Monday zingsanglam hi a, Wang Chao District sung aom Wang Chao-Tak Highway lamzikpi tungah atailaitak ahihi.

Tuabang in apei Tyre apuakkhap khitciangin mawtaw kipeigawp in, Van Driver inzong akhawltheih nadingin hanciam hi. Ahi zongin akhawlkhit ciangin datsi paina Petrol Feed zong kitam cih ummawh ahih manin, Van sungah atuangkha Myanmar Passenger te amanlang in atuahkhiat nadingin otsan hi.

Tuazawh asawtlo in tua Van Motor pen meikuanggawp hi. Kamphatna tawh Van sungah atuangkha Passenger khempeuh asi aliam kuamah omlo bilbel uhhi.

Police te genkhiatna ah Van Motor sungah atuangkha Myanmar Passenger tepen Bangkok khuasung aom Pata Pinklao Shopping Mall panin atuang uh hi a, Mae Sot Border District zuanin apai uh cihi. Tua Mae Sot panin Myanmar gamgi ah kantanding, Myanmar gamsung ah Thingyan Festival tuibuahpawi hunnuam zangdingin aciahsawm uh cihi.

More: Thai gamsung ah Bus tuahsia in meikuanggawp, Myanmar 21 in sihlawh

Wang Chao Police te genna ah Van Driver leh Van Operator tepen thu kibawlding hi. Van sungahzong mi apuakzahding sangin atamzaw Overload in pua a, tuaban ah khualzinna lampi angeina tawnlo in, phalna omlopi in hih lamzikpi ah totpih ahih manin, thu kibawlding cihi. Van Driver pa ii Driving Licence leh Van Registration Plates tezong matsakkhin uhhi. Thai gamsung aom Myanmar gammi tezong tuahsiatna tuamtuam phukhathei zelzel uhhi. Sawltak #zomidaily