Muslim te piakna ngei ah pasal 2 in zunpek ahih manin lungkim hetlo uh

Muslim te piakna ngei ah pasal 2 in zunpek ahih manin lungkim hetlo uh

Muslim te biakpiakna akipatding uhciangin akhut akhe uh hoihtak silsiang sitset in, tuakhit ciangin biakpiakna, thungetna “Prayer Room” ahih keileh Mosque ah lutpan uhhi. Tuabangin Muslim te khutleh khe suansuah nadingin akibawlna munah pasal 2 in zun thaksakmawk uh ahih manin, lungkim hetlo uhhi.

Hih thupiang pen Malaysia, Phileo Damansara MRT Station aom ki suansuahna munah nungkal Wednesday ni in thupiang ahihi.

Tua Photo akhahkhiapa ii genna ah amahpen Prayer Room sungah thungending in akipandektak cihi. Tualaitak in apualam ki siansuahna ah agamlum om ahih manin ka enkhia cihi.

Tuaciang in Muslim te ki siansuahna munah pasal 2 in zun nathamawk uhhi. Tua zuntha pasal nihte pen Chinese Nationality hiding in ki ummawh cihi. (Myanmar Nationality acihloh uh phadawmlai)

Tua pasal 2 tepen zun athaksawm laitak in agei ah aomkha Muslim pasal te’n hihlai zunthakna hilo hi ci’n gen uhhi. Ahi zongin tuate’n awlmawhlo in azun uh thateitei cimawk hi.

Tuaciangin Muslim pasalkhat lungkimlo, diksa hetlo in paikhiapah a, Police te kiangah Report bawlpah hi. Tuaciangin MRT Station ah aomkha Police te’n tua pasal 2 te manpah uh a, MRT Personnel thuneite tawh thusitna neikhawm uh cihi.

Hihbang in Muslim te biakpiakna ageilian aom, ki siansuahna ah zun aki thaksak pen ki lungkim hetlo a, Social Media tungahzong ahehna uh pulak ngeingai uhhi. RapidKL te’n hihvai tawh kisai in hoihtak ki kancianding hi ci’n genkhia uhhi.

More: Kha 10 bek aphapan naupangkhat golgawp in 28kg phakhin a, ki lunghimawh mahmah

Hih thuthang tawh kisai in Zomi tezong kidop siamding thupi khading hi. Myanmar gammi pawlkhat pen ihgam ah ihzat ih zongsatsa gamtatzia te kipuapua khathei hi. Gamdangtung pawlkhat lamngei munkhatpeuh ah zun pekziauziau theilaimawk uhhi. Ihgam ihlei hilo ahih manin, migam milei ah ihzin ihom ciangin “When in Rome, do as the Romans do” cih phawk zelzelding thupi hi. Sawltak #zomidaily