Moral Politics

Moral Politics

Zomi-te zong Democracy, Federal mah ci lunglung i hihteh; suahtak-na a deih takpi i hih leh; i kammal i gamtat i luhek te mahmah zong i puahphat a kul ding hi. Puahpha i cih tak ciang in, a hoih lo te nusia a hoih lam ah zuan, a hoih khinsa te hoih sak tektek cih dan ahi ding hi.

Democracy ki-ukna luanzia ah kumpi pen mipi ahi hi. Thunei ding sawltangzang mipi’n a koih pen, thuneite ahi hi. Tua ahih man in, “Hong uk kumpite”i cihcih kammalte i nusiat akul ta ding hi. Tua zom ah, thuneite i cih-in “Mipi nasemte, Mipi sawltakte, Mipi zattangzangte” ahi bek uh hi. Kumpi ahi nawn kei uh hi.

Ki-ukna khempeuh ahoih gai khat beek zong a om kei hi. A hi zong in, Democracy ki-ukna in, mipi thuneihna ahih man in, hoihpen khan’to’ na ompen a kici ahi hi. A hoihna ding, khan to’na a om nading, mipi tung ah a kinga ahi hi. Mipi khangto leh bek Mipi thunei ding, mi kician kitel zo pan ding hi.

Minam khat khan’ to nading, netniamna leh a niam lungsimte i nusiat a kul ta hi.,

Zomi khan’ to nang, Zomi mimal khat ciat i muhna i zai’ sak kul aa, i khan’ to’ a ong kul ta hi. Zomi mimal khat ciat khan’ to’ nang, Zomi ahi (914 na ci-aa, na ci kei zong) nang leh kei; i khan to’ a kul ta hi.?

Hih in, 2014 Myanmar Census maban, Zomi mimal khatciat maban ahi hi.

– Nicholas Pau