Mopa (The Khatan) ~ Dim Lun Zam

Mopa (The Khatan) ~ Dim Lun Zam

Ka paipai uh leh khatvei lai a, mopawi ki bawl sawm na, amo nu leh amoliah teng a din lieliai na khua, a kigal muh theihna mualtung ka tung kik uh hi. Tua mun mah ah mopawi khat na ki bawl sawm leuleu hi ding hiven, amo nu leh moliah teng ding lieliai ka mu uh hi.

“ Monu na muh leh bel Mopa zong om ding cih ki muthei pah ei” ci kawm in mopawi ki bawl nading lam Siapa in akawk hi.”
“Bang na mu a?” “Aw, a Mopa leh mopa aliah teng gal muh ingh ei Sia”

Mo (Bride) leh mopa (Groom) cih kammal sung ah thusim khat om hi. Tua ahih leh kua pen mopa(Bridegroom) hi ding ahia?”
“Pasian”
“Lai Siangtho sungah, Hebrew te kam in, ‘He’(amah) pen KHATAN ki ci hi.
“KHATAN” ci in siapa kammal ka zui hi.

“KHATAN cih pen mopa hi,ki ci in, tua sang in adeihna thuthuk zaw hi.” Amah leh amah ong ki zompa” ci in zong ki lek khia thei hi.

“Amah leh amah a hong kizompa” cih pen Pasian min dangkhat ahi dia?”

“Hi lua hi. Ki ci thei mahhi, hih thu tel taktak le hang pen I nuntakna hong khel zo ding hi. Mitampi tak te ngaihsutna ah, Pasian pen gamla pi tak a om, a ki neh thei ngiatlo, i mawhna ahong maisak nading a, alungsim a suk khak na ding va kaihkaih kul ding in ki ngaihsun hi.Biakna khempeuh pen tua bang dan vive hi ven, a pasian un a san theih na dinga, bang hiam khat sep kul sak uh ahi ve.

A thuman taktak pen amau a tawh ki leh bulh hi. Pasian pen I KHATAN hi. Cih nopna in Pasian pen ei tawh kizop ding alunglut lua aut lua zaw hi.Tua pen ama zia, ama dan, ama lungtang leh nang a, a ki zop ding alunggulh hi. Cipnopna in, Pasian in nang hong it na ding a, va ki bawlbawl kul peuhmah lo, ama lam pan hong it lua khin hi.

KHATAN cih pen ‘ itna’ hi. Nang tawh pumkhat hih na kizopna nei khin hi. Nang amah va bel hi lo in, aman nang hong zuan in, hong bel hi zaw hi.KHATAN cih kammal i thuthuk sungah, na khempeuh om a, tua in gup khiatna ahihi. Pasian pen KHATAN ahih mah bangin, amah leh amah eite kiangah ahong kizom pa ahihi.

Ama hihna khempeuh tawh hong zom in, nang hih na khempeuh tawh zong aki zom hipah hi. Khua mial bang in, mawhna tawh kidim in, Pasian milo na hi ta zongin, aman hong zom khin ta hi. Messiah in singlamteh tunga hong sihna pen bang a cih nopna ahi a? KHATAN cihna ahi ve. Ama hihna khempeuh tawh hong zopna ahi ve.

Adiakdiak in, I mawhna leh i hoihlohna khempeuh tawh hong kizom ahi ta ve. Hih pen alamdang mahmah ahih man in,ama it na leh nang pen ki khen thei nonlo ding ahi ve. Amah pen ei a ding i KHATAN hi a, amah hihna khempeuh, a buk abeek in,atawntungin nang tawh ….kizom hi.

The Mission: Na hoihloh penna, na mawh penpenna, kua ma hong lawn ngamloh penpenna, ama kiangah hong paipih ve, amah pen na KHATAN hi. Amah in na hihna khempeuh ahi bangin, hong lawng tahen.

Song of Solomon 5:10-6:2; Isaiah 54:5; 62:5 John 3:29

Jonathan Cahn Day 36
Dim Lun Zam