Canadian Model khatin amittang Color laihsawm in bawlkhial, amit tawding
Make-up, Tattoo, Hair Dye samzanuh cihte khawngpen ih pumpi tungah aomsa, ihpianpih Color khatpeuh panin adang Color ihlaihnop seseman ahihi. Canada gamsung aom numei khatin amittang sunga akangteng pen Eye Tattoo tawh aci laihsakin, khialhna omkha ahih manin, ami tawsuak theiding cimawk hi.
Tua Canadian numeinu minpen Catt Gallinger kici a, amahpen kum 24 aphakhin Model khat ahihi. September khasung in amittangsung aom akangteng White Color panin Purple Color tawh laihnuam sese ahih manin, Eye Tattoo bawlsak hi. Ey Tattoo cihpen mitang sungah deihdandan Color alaihsak hi a, pawlkhat te’n amittangsung aom akang munsanteng pen avek in vomcikp, ahih keileh Purple, Red cihbang in adang khatpeuh tawh laihsak sese uhhi.
Catt Gallinger inzong Purple Color tawh alaihsawm in Eye Tattoo abawl hi a, ahi zongin zatui sunkhialkha ahih manin, amittang pen damdam in tawsemsemding a, anunung ah khua munawn vetlo theiding cimawk hi.
Hihvai tawh kisai in Catt Gallinger in ama Facebook ahzong Post khia in, hihbangdan Eye Tattoo azatsawm te’n kidawm mahmah un, hoihtak kancian masaphot un ci’n deihsakna tawh midangte vaikhakna lai gelhkhia hi.
Ama gelhkhiatna ah Eye Tattoo abawl laitak in Tattoo Artist in zatuiphim Needle azatlohding zangkha in, zatui tam sunluakha cihi. Tuaban ah azatui (Ink Color) pen hoihtak kitokkimlo cihi. Tuahang in amittang panin si luangkhia in, khitui zong luangluang cimawk hi.
Facebook ah akhahkhiat Photo te lakah khatpen amitang panin Purple Color akilaihding in asut zatui te luangkhiakik in, adang Photo khatahzong amittang pen bogawp, bawkgawp hi.
Amit pen hoihtak khua amuhtheihloh banah amittang ziasa, thaksa in, anat inzong na sakawm sawnsawn hi. Tua ahih manin, zato ahzong kilakzel ci a, Hospital 3 veibang katungkhin cihi.
Anunung ah Eye Institute te kiangah ki puaksawn in, tuateng pan Eye Specialist te’n agenna ah tua zatui in asukkhakna namit pen khua mukik theinawnlo dinghi ci’n genkhia uh cimawk hi.
Hihbang in Purple Color laihding in zatui asuk khitzawh thuaklah in nasa mahmah ahih manin, Painkillers leh Steroid Eye Drops te zangzel a, tuate azat ciangin ana phatuam in, abawkzong phatuam zawdeuh hi. Ahi zongin amittang sungah asutsa zatui tengpen hepkhiat kisam ahih manin, amittang atkul, Surgery bawlkulding cihi.
Video: Model’s Bungled Eyeball Tattoo Could Leave Her Blind
Catt Gallinger in Video sungpan inzong mipi te thu agenna ki muthei a, athugen ngaileng khasiat huai mahmah hi. Amahzong amittang Eye Tattoo abawlkhak sese, kisik mahmah a, ka mittang pen midangkhat tungah apcip in muangluakha kahih manin, hihbang in apiang cihi. Ka mittang pen khua amukik nawnding hilomawk a, Eye Tattoo bawlkha hetkeileng ahoihtakding hiven maw ci ngeungeu hi.
Related: Chicago ah numeino khat asam Color zutkha ahih manin sanginn Class pan ki hawlkhia
Hih Model Catt Gallinger pen amittang Purpel Color tawh alaihma inzong hoihkhin mahmahlel hi. Purpel Color deihsese in, alaih ciangin hihbang apiang himawk hi. Hoih nopluatzong valthei hi. Samkhawngzong Hair Dye Color aza alaihsuk alaihto, akil sakzel, amam sakzel te asamzang siacipthei, paatgawpthei kici hi. Kidop siamding thupi khading hi. Sawltak #zomidaily
Comment piaknop aomleh...