Mizoram kumpi’ nasep lakdan

Mizoram kumpi’ nasep lakdan

Mizoram pen India gamke khat ahihmah bangin kumpi nasep pen sum
laklutna hoih khat ahi hi.Bang hang hiam cih leh Mizoram in India
kumpi kiang pan kumsim in Budget tampi ngah zel hi.Mizoram pen British
ten kum 50 sung ving veng uk uh hi.Kum 1947 a India in independent a
ngah tak ciangin Mizoram pen Assam state nuaia district khat ahi
hi.District ah a om sungin Assam sate kalsuan dan in a kalsuan loh
phamawh hi.Kum 1972 ciangin Union Territory hong hi in Central kumpi
zatdan tawh kibangin kumpi nasemte khasum kipia hi. Kum 1986 a State a
ngah tak ciangin Pay Revised leh a tuam tuamte adaptation a bawl hong
kuulta hi.Tuabang hunah Chief Secretary leh Finance Secretary te
mawhpuakna sang hi.

Tu in Mizoram kumpi nasem te ading Organised Service tuam tuam kumpi
in bawl in kumpi nasem lakdan nam nih om hi:
1.Mizoram Public Service Commission(MPSC): Central a UPSC dan bangin
Mizoramah zong kum 1991 pan in MPSC hong ding hi.A tung in Group A
officer lakna ding bek buaipih phot hi.Tua khitciang Group B officer
lakna zong buaipih to hi.Gezzeted officer la dinga kumpi in mawhpuakna
a piak ahi hi.Service Rules dungzui in Documents kitangsamte a ngah
khit ciangun exam bawl in written exam masa in interview in zui hi.Tua
pana laktak a sakte uh kumpi kiangah recommend in kumpi in appointment
pia pah hi.

Mizorama Organised Services te:
1.Civil Service
2.Police Service
3.Finance and Accounts Service
4.Forest Service
5.Secretariat Service
6.Judicial Service
7.Engineering Services
8.Medical Services
9.Information Service
10.Planning & Economic Statistical Service
11.AH& Vety Services

Group “A” entry Pay scale pen a tungin 8000-13500 himahleh kum 2008
pan in 10,000- 15,200 hi to ta hi.Mizoram Secretariat Service bang
Central a Section Officer(Group B) tawh aki bang himahleh Mizoram
kumpi in Group A ah koih hi.

MPSC in tu in na dang lakna tuam tuam te zong buaipih to zel
hi.Assistant, DIET leh Post Graduate Teacher(PGT), High School teacher
leh UDC natawm buaipih ta hi.Assistant pen MSS te’ entry grade hi in a
direct in MSS exam ki tuambawl se lo hi.Nasep niam te lakna zong MPSC
khutah om leh fair zaw deuh ding hi.A genpih ding a deihsak meltheih
kician a neilo te adingin lungdamna khat hi.

Mizoram Public Service Commission(MPSC) pen a fair mah mah dinga ki
ngaihsun himahleh tuaci zo tak tak lo hi.Minam kideidanna mah om lai
veve mawk hi.Mizo ahi lo ten written hoih takin a bawl zong un
interview na ah kia sak veve uh hi.Bang hang hiam cih leh Board Member
te Mizo a tamzaw ahihman hi.Eimi te khat beek Board Member ah ki helzo
leeng nuam tuam mah mah ding hi.Unau Mara te bel Board Member ah Pu
H.Siku om lian mawk ahihmanin amau kumsim in a tawm pen khat ta MCS ah
cing hamtang pah uh hi.

2.Departmental Promotion Committee(DPC):Subordinate services-LDC,UDC,
Police leh Group “C” nasep lakna DPC in buaipih hi. Departmental Promotion Committee ah member te:

1.Chairman: Secretary(Concerned Department)
2.Members: DP&AR, Finance Department aiawhte Deputy Secretary ciang, Director
3.Member Secretary: Under Secretary(Concerned)

Group D(Chowkidar, Peon, Jugali,Cook etc.) lakna pen director leh
deprtment Head te khutah om hi.

Group “C”&”D” lak nangah kumpi nasem lian te in thunei mah mah cihna
hi.Eimi department head leh director a tuam tuam iki behlap sem sem
ding deih huai mah mah hi. Mizoram kumpi nasep lakna ah politics
kigolh mah mah khin hi.Nasep niam Group D te bang Minister te khuta om
kici thei phial hi.Primary leh Middle School teacher lakna khawngah
zong Politics in thusai mah mah hi. Tua ahihmanin politics pen thudon
leh buaipih taak hi.

Pau Tun Thang