Mihing khempeuh pen khialhna neingeilo omlo, mikim in ki khialngei tek hi

Khialhna nam (2) omhi.
1. Ih hai man aa ih khelhna
2. ih khelh man aa ih hai na

Atamzaw in, ih theihloh (hai) man aa ih khelhna pen ahiding mah khat in kamu hi.

Siangtak aa (muhtang/langhtang) khelna pen- ki neih/khemna tawh ih khelh sang in, maizum huailo zaw in ka mu hi. Bangbang ahi zong in, ih theihloh(hai) man aa khelhna pen- siangtho aa,zumhuai na pi ‘n ahiding mah hi kici thei zawdeuh hi.mikhempeuh in tuabang aa khelhna pen ki nei tek ding in zong ka um mawh aa, tua pen mawhna lianpi in zong ka ngaihsun kei hi.

Ahi zongin ih sepkhelhna hang in, ih haicip ding pen ahoih hetlo khat in ka mu hi.

Mitampi tak( keimah aa kipan) ih khelhna pen khial ing ih cihding haksa kisa mahmah tek hi. Ih kiphatsakna hang ahi zong in, ih maizumna hang ahi zong in, minuai ih om noplohna hang ahi zong in, ih khelhlam thei sim khinkhian napi’n khial ingh ih cihding pen haksa kisa mahmah tekhi. Tua pen a maizum huai mahmah khat hi aa, tuabang lungsim ih neih laiteng pen a ki gual lel lel ding hi mawk hi.

Khat veivei, ih khelhlam thei napi’n khial ingh ih cihnop loh tentan na in, ei leh ei ong lungkham/lunggim sak zaw thei hi.tua hang in zong-mi tampi tak in eitung ah etneuna in hong nei zawsop thei lai hi.

Eimau mahmah in khial ing cihngam- cihthadah, ih khelhna te mi ten,hong theih ding zong kilau thei lai aa, ahi zong in tua bang lungsim ih neih laiteng in, ei leh ei ih theih loh kal aa ki kolbulh bulh lam ih phawk ding kisam mahmah ding in ka um hi.

Khialhna te- “ngaihdam bawm” ah na khiat sak un.

Naalian Zomi
Denmark