US Michigan sangnaupang khatin anu leh apa thautawh kaplum
USA, Michigan State sungah pasalno kum 19 aphapan khatin anu leh apa thautawh kaplum cih AFP pan kiza hi. Tua sangnaupangpa pen Central Michigan University ah sang akahkhat hi a, zanni Friday ni in sanghuangsung aomna Dormitory ah anu apa akaplum kici hi.
Anu apa akaplup khitciangin Campus panin taikhai ahih manin, Police Officers 100 val te’n Camouflage Uniform silhin thau vive tawikawm in zongkhiapah ngeingai uhhi.
Tua sangnaupangpa pen akizon khitzawh nikhatkhit, tuni Saturday ni in kimankhiata cih Reuters pan kizakbeh leuleu hi. University Spokeswoman Heather Smith inzong Statement ah agenkhiatna ah tua sangnaupangpa pen Detroit City pualam Tai 125 bang agamlatna Mount Pleasant ah kumpi thunei te’n mankhiathei uh cihi.
Tuabang in anu apa thautawh akaplumpa pen amin James Eric Davis Jr. hi a, kum 19 bek phapan hi. Michigan Governor Rick Snyder inzong Friday zingsang thau kikapna apiankhit ciangin News Conference ah gencianna neikhia hi. Hihpen innkuansung buaina panin akipan hi a, mi 2 takin asihlawh hi ci’n genkhia hi.
Central Michigan University pen sangnaupang bekbek akigawm in mi 20,000 bang akahna na sanginnpi khat hi a, zanni thautawh kikapna buaina apiankhit ciangin kumpi thunei te’n sanginnzong ki khakcipsak pahhi.
Local Media te genna ah Police tepen Helicopters leh Patrol Cars tampi zangin Friday zingsang akipan Central Michigan University kuamsungteng ah thaukappa azongin buaimahmah uh cihi. Campus sungah aom sangnaupang te Police te’n makaih in paikhiatpih uh a, University Events khempeuhzong avek in ki Cancel sak hi. Tuaban ah Saturday Class aomkhempeuh zong ki Cancel sak hi ci’n University Officials te’n Statement ah genkhia uhhi.
Sangnaupangpa in akaplup anu apa te ii aminpen James Davis Sr. leh Diva Davis kici a, kum 47 tuak aphakhintuak uh ahihi. Naupangpa ii apa ahi James Davis Sr. pen Bellwood Police Officer khat cisawnsawn hi. Photo sungah palik puan asilhpen apa hi a, agei a naupangpen anu apa akaplumpa ahihi.
More: Zikik anei papi khatin azi masa tawh atanu kum 9 aphapan khat thatlum
Nungdiak mahmah inzong Florida High School khatah thautawi pasal khatin sangnaupang 17 tak kaplumziau hi. Tuakhitzawh thauvai Gun Control vai aki limgen mahmah, aki buaipih mahmah laitak hi a, tu’n sangnaupang khatin anu apa kaplum cih thuthang tawh kizomto leuleu mawk hi. Sawltak #zomidaily
Mang K Khup says
Leitung sia semsem, dawi in mihingte lungsim sungah git lohna lungsim guan in pianna nu leh pa nangawn thah nop/ngamna a guan hi a, gal lakah innkuan sung gal mah a lauhuai pen ahih manin a muanhuai zaw vantung bek mah lamet om lai hi. Tua ih lunggulh kei lai leh bel mihingte aadingin lametna om nawnlo cihna himai hi. Pasian a muang dingin Topa in thupha hong pia ciat tahen.