MH370 vanleng tawh kisai anunung pen thupulakna kinei

MH370 vanleng tawh kisai anunung pen thupulakna kinei

MH370 vanleng pen 2014 lai in Kuala lumpur pan Pekin khuapi alen laitak in a mang vanleng khat ahi hi. Tua vanleng tung mi 239 tuang uh hi. A tuang mi sung ah senmi tampitak om ahih man vanleng mang zon-na ah Sen kumpi zong nakpi in kihel hi.

Gam tuamtuam kipawl in zon-na a bawl uh ni 1046 a sawt khin ahih man in tu kum January ah zon-na te kawl ta uh hi a, MH370 vanleng muzawhlohna pen a lamdang mahmah thu khat hi a, “san zawh ding a haksa mahmah thu hi” ci in Oct 3, 2017 in, Australia thuzong thukan te in hih vanleng mang tawh kisai a nunung pen thupulakna ah gen uh hi.

Nisim mihing Awn (million) sawm bang vanleng tawh khualzinna a om den tu hun lai tak in MH370 zon-na te tangtung lo cih pen san ding in haksa mahmah hi cin in thupuakna laidal sung ah ki gelh hi. Vanleng mang zon-na ah kihel Australia minam kumpi nasem khat ahi Dr. David Graphin in MH370 vanleng mang zonkikna te om kik ding maw om kik lo ding maw cih pen Malaysia kumpi le Sen kumpi tawh kisai in, aman bel hih zon-na te om suak leh hoih pen ding hi ci in BBC kiang gen hi.

MH370 vanleng mang zon-na pen leitung ah a gol pen zon-na khat zong ahi hi. Amasa ni 52 zon-na pen in lawhcinna hong neih lot ciang in tuitung tuinuai ah ki zong aa tai tein 1.2 ah zong ki mu zolo ci in khensat uh hi. MH370 i athem aneng ci a ngaihsut theih van kisia pawlkhat te pen 2015 le 2016 ah India tuipi sung a om tuikulh te tung le Africa nisuahna lam a om tuipi pang zangdung te ah ki mu khia zel hi.

Related: Malaysia vanleng MH370 amancip zawh kum 3 cingta

Australia kumpi in a muanhuai van le thu thak te hong om ciang bek in zonna te kipan kik ding cih gen in Malaysia kumpi in bel zonna te a bawl nonlo hang MH370 mangna thu tawh kisai thubawlna (case) pen nei suak ding uh ci hi. Zingsol