Mexico ah Tour Bus khat kibung in asi mi 12 lakah American 8 kihel

Mexico ah Tour Bus khat kibung in asi mi 12 lakah American 8 kihel

Mexico gamsung ah Tour Bus khat kibung in mi 12 si cih Fox News pan kiza hi. Tua asi mi 12 lakah American gammi 8 kihel cihi. Adang asi tepen Swedes mi 2, Canadian gammi 1 leh Mexico pan Tour Guide 1 ahihi.

Hih Tour Bus tung ah atuangte pen Royal Caribbean Cruise Ship kici tembawpi atuangding in apai uh hi a, Tuesday ni in atuahsia uh ahihi.

Mexican Officials te genna ah Bus Driver pazong liamin, ahi zongin kimansuak phot cihi. U.S. State Department te’nzong hih Tour Bus tuahsiatna hangin American gammi asi tampi omhi ci’n pulakkhia uhhi. Tua American asi te lakah Florida aom piteek khatleh atupa kum 11 aphakhin khatzong kihel hi ci’n Sun Sentinel te’n genkhia uhhi.

State Department te’n Statement akhahkhiatna ah hih tuahsiatna Tragedy hangin nakpitak in dahpihna ka pulak uhhi. US kumpi thunei te’n Mexican kumpi thunei tetawh kithuza in, akisambang in ki vaihawmding hi.

Ko Department paninzong nasem pawlkhat aphual ah tungkhin uh a, Mexico gamsung aom Hospital tuamtuam ah aliam te akipuaktheih nadingin ki vaihawmpih hi ci’n genkhia uhhi.

Hih atuahsia Tour Bus sungah Passenger akigawm in mi 31 atungkhawm uh ahihi. Tualak ah mi 27 tepen Royal Caribbean’s Celebrity Equinox leh Serenade of the Seas kici tembaw atuangding in apai uh ahihi. Chacchoben khualam zuanin apai laitak zingsang 9am hunpawl in lamkhanglam ah akibung kici hi.

Aliam zong mi 18 bang pha uh a, tua aliamtepen American gammi 4, Brazilian gammi 4 leh Canadian gammi 3 cihtezong aliamlak ah kihel uhhi. Swedes gammi 2 zong aliam uh hi a, United States ah zatui kibawlding in kipuaksuak hi.

Adang mi 7 tepen aliam uhhang in, a huaisialuapi omlo uhhi. Tuate pen tembaw Cruise Ship atuang veve dingin Tuesday sunlam in paikhia veve uhhi.

More: Yangon, Hlaingtharya ah mawtaw 2 kimaiphut, mi 4 si in 8 liam

Mexico City aom U.S. Embassy inzong hih tuahsiatna leh American gammi pawlkhat kihel cih kathei uhhi ci’n genkhia uhhi. Hih Tour Bus pen banghangin kibunghiam cih akician in aki kansan laitak, Investigation aki bawlsan laitak cih kiza hi. Sawltak #zomidaily