Malaysia, Mersing ah lamzikpi mencim in anawkkha mawtaw khat suakta liamliam

Malaysia, Mersing ah lamzikpi mencim in anawkkha mawtaw khat suakta liamliam

Malaysia, Johor State sung aom “Jalan Jemaluang – Mersing” kici lamzikpi khat zanni Sunday ni in kicim cih NST pan kiza hi. Lamzikpi ii alangval bang anuailam kengdang ah 15 Meter bang atolhsuk ahihi.

Hih lamzikpi akicip, atolhsuk laitak in mawtaw khatin nawkkhalian in, tua mawtaw zong mencim tawh tolhsukman hi. Ahi zongin kamphatna tawh tua mawtaw tungah atuangte bangmah sihna liamna omlo in suaktathei bilbel uhhi.

Palik thunei ahi Mersing district police chief superintendant Cyril Edward Nuing in agenna ah hih lamzikpi kicipna vai hongki zasak in, lamzikpi zong ki khakcipphot cihi.

Lamzikpi ii alanglam ah kipaithei, ki tawntheilai himahleh muanhuailo ahih manin, Mersing Public Works Department te’n kuamah paisaklo in khakcipphot uhhi.

Hih lamzik akicip laitak in anawkkha mawtaw hawlpa pen kum 60 aphakhin pasalkhat hi a, amahleh mawtaw sungah adangzong Passenger atuang om uhhi.

Ahi zongin avek un bangmah liamna omlo in suakta bilbel uhhi. Tua mawtaw sungah atuangte Mersing Hospital ah kipuak in, hoihtak ki Check sak veve hi.

Video: Car occupants cheat death as road collapses in Mersing

Jalan Jemaluang kici lamzikpi pen Mersing leh Johor Baru khuanih kizopna lamzikpi hi a, tulaitak ki khakcipsak phot hi. Khualzin mawtawhawl te’n Jalan Nitar – Jemaluang lamzikpi natawnzaw phot un ci’n thunei te’n genkhia uhhi.

Mencip laitak in mawtaw tawh anawkkha tepen asithei, asiding dinmunlian ah aom uh himahleh kamphatna tawh sihna panin suaktakiau uh a, lamdang kisaphial in News te’nzong ‘cheat death” ci’n asihding kipelh uhhi ci’n thuthang suahkhia uhhi.

More: Malaysia, Penang Construction khatah mencim in mi 3 si, adang tampi vulhnelhcip

Nung Friday ni inzong Malaysia, Kota Marudu ah lamzikpi khat mencim in Motorcycle tawh anawk khalian mi 2 te ahingtang in vulhlum citciat hi. Sawltak #zomidaily