Melbourne pan hongnusia Pastor Gin Do Dal (Hatlang) tangthu

Melbourne pan hongnusia Pastor Gin Do Dal (Hatlang) tangthu – Senior Pastor @ Melbourne Burmese Community Church (MBCC)

PIANNA KHANGGUI – Pu Hatlang pan kisim suk khang sawmna ah Pu Kai Hen suante ahi uh hi. Kai Hen suan Hen Tuan leh Luan Ngul hi a, Luan Ngul suan leh khakte pan ahi uh hi. Pu Luan Ngul leh Pi Goih Don (Naulak) Tonzang khuapi ah teng uh hi. Suan leh khak pasal numei nei keei napi uh si pahpah ahihmanin tua hunlai siampite a kithoihsak uh leh gungal kah le uh cin suan leh khakte cidam ding hi ci in aisan sak uh hi.

Tua ahihman in Pu Luan Ngul leh Pi Goih Don te 1914 kumin Tonzang pan gungal kah uh a, tu a Gamlai gam Tualthang kici mun tengah khelbuk khat lam in teng uh hi. 1915 kum ciangin tapa khat nei takpi uh a, nuam lua mahmah uh ahihmanin a min dingin Pasian tamsak ni ci uh hi. Pasian Sian Vungh cih hong phuak uh hi. Gamlai khua akisat ciangin, khuasatte tawh kipawlin Gamlai khuasat lakah hong kihel hi. Pu Sian Vungh hong khan ciangin galkap hong tum a, Surgeant ngah man hi. Gal hong tun ciangin India gamah zong Mangkang kumpite tawh kithuah in Hutialpur dongah taito uh hi. Gal ven ciangin Paltan pan tawpin sumbawl hong kipan hi. 1950 kum in Tedim ah sikkanginn dawlnih Lawibual veng, zatopi khangah hong lam hi. Tua hunlai in aveng uah inn li leh nga khawngbek om uh a, khua sat masa lampawl ahi hi.

PIANNA, SANGKAHNA, NASEPNA

1952 kum kipat lamin Gamlai pan Tedim khuapi ah lal uh hi. Tua kum mah in Sia Gin Do Dal pen August 8 ni in, Tedim innpi pan suak hi. KG pan kipan tan 4 dong Tedim Tuiphum pawlpi phuat Zomi Baptist Academy Sang ah kah hi. Tan 5 pan 8 ciang Kawlpi St. Mary ah Sang kah hi. Tan 8 pan tan 10 dong S.H.S Tedim ah kah in tan 10 pen B list tawh ong hi. Sangkah zom nuam mahmah saam napi, pate in nuntak haksatna hangin Sangkah zomsak nawnlo hi. 1971 kum in Tonzang Khua ah TEO asem Pu Neng Khen Thang Hatlang belin nasep zong a, Township Co-operation department ah LDC hong ngah hi. 1974 Tonzang ah Rev. Hau Lian Kham thugenna pan anitak masa in Sia Gin Do Dal leh Zam Cin Hau, Mualpi khua (tun AMC) ki-ap uh, gupngah kitelna ngah hi.

Tonzang ah anasep sungin Pasian nasepna ah mapang mahmah khat banah Secretary sem in Gospel AG Pawlpi phut uh hi. Pawlpi khangin India pan BRE man ahong ciah Rev. Suak Za Go sia dingin zanguh a, Biakinn hoih mahmah khat zong lam uh hi. 1980 pawl in Tedim ah hong transfer a, tua hunsung mah in zong Tedim BAG ah Pawlpi upa semin Mission lam ah tavuan khan in om hi. 1983 kum ciangin Pu Dal Tum leh Pi Nu Tlang Lawm tanu upa pen Nu Rual Tin Thang tawh Tedim BAG Biakinnpi ah Rev. Hau Lian Kham in pumkhat suahna neihsak hi. 1983 Hakha ah UDC tawh transfer uh hi. Hakha a om sung uh zong tu a Ebenezar pawlpi ah kihel uh hi.

1985 kum AMC pawlpi kiphuh ciangin hunbit hong kipia in ci in ka hopih zel uh hi. 1989 kum Christchurch, New Zealand ah Lai Siangtho Sang kahding ka kipat ciangin Sia Daniel zong khangno lai lua leh akithuahpih dingin, Sia Gin Do Dal pen Agape ah mapang khawmdingin kacial uh leh hong khensat thei hi. New Zealand ka pai ciangin Sia Daniel leh Sia Gin Do Dal in Pawlpi na kem uh hi.

AUSTRALIA SANGKAHNA

1990 ciang in Pastor Gin Do Dal in Topa hopihna ngah ahih man in, Melbourne khuapi, Australia a om, Light House Bible College Sangkah dingin Australia ah pai hi. Tua hun gamdang pai ding kihanciam tek a Sangah admission akingah nak a leh akicing zahin ka ngaihsun hi. Kawl gampan pai khiat ciangin ih kumpi in,sum ih nei venvan phialzongin US $12/- bekbek hong pua sak thei hi zen mawk hi.

Australia, Phillip Island ah Siapi Mang Za Suan te inn tung hi. Tua Phillip Island ah, Pastor Neil Belsar tawh zong kithei kha uh a, a Pastor masa penpen hi a, tu in a tanu upa pen Lunpi teekpa a hi. Sumlah neilo nasep ding lah neilo, anntangin, Lai Siangtho sim in, thu ngengen lel hi. Sumzon theihna pen in, mipi om khopna mun park leh tualpi kiim te ah, bunghawm, thawlhawmte kaikhawm kawikawi hi. Sia Mang Za Suan in GTP hongpat khiat ciangin, tangkosak na ding lai (Brochure) bawl in, mi inn mai a, laibungte ah koihsak kawikawi uh hi. Tua khit Sia Mang Za Suan kawlgam a ciah masak pen in, Kawlgam pan a sum puak theihsunteng pen, ka innsap ding leh kasangsap dingin lah kizangh tuanlo, Kawlgam a dingin upna khaici (seed faith) tuh ning ei ci in, Siapa ap hi.

Kum 1997 kum Australia ka pai khat in amau kiangah zan 3 khawng tamin ka om uh hi. Pastor Neil in kei kiang hong gen, “Pastor Gin Do Dal ka muhzia leh lamdang kasak thute:

Hong tung a kipan ann nelo in a Lai Siangtho sim in, thunge ngen mai hi. Mangpau pen tamzat hetlo a, hopihna bek hong dawng hi. A innkuan maan hong lakin tanu 2 leh a zi Kawl gamah om cih kathei uh hi. Sang apai ding hun ta ahih ciang in Pastor Dal sum bangzah na nei hiam kacih leh neilo hong ci mawk hi. Tua zanin ka ihmu thei vetkei uh ci hi. Mangpau siamlo, sum neilo lailai bangaci tam ci-in zan thapai kaki kum uh hi. Zingsang apai ma in, suhbu khat ka koih uh, hong khia in, ka et uh leh AUD $800/- khawng na om in kapia uh hi. Melbourne apai toh ma ka tanu Corinna hong hawhin, ka gen uh leh bangzah pia cih ka theih loh hang, sum pawlkhat pia cih thei ung. Sum $10 pia in Bank Account bawl sak hi. Bus tawh pai sakin a Sang ua ten na dawn dingin ka kiho uh hi.”

A nung ah Pastor Neil leh Dorothy Belsar ka kikum uh a, Pastor Gin Do Dal pen Pasian mi taktak, upna tawh anungta mi lamdang khatin ka ciamteh uh hi cih gen hi. A nunglam ciangin ki it in kizom toto uh a, Pastor Neil tapa Ashleigh Belsar leh Psastor Gin Do Dal tanu upa pen Esther Don San Lun kitenna dong ah ki-itna kimuanna nei uh hi.

SANG KAHSUNG NUNTAKNA

A tung a gensa mah bangin Sangkah sung lai zo mahmah hi. St. Mary Sang khawng leh ZBA Sang khawng ah Manglai basic ngah ahih manin amah tawh kituak in Manglai ngapthawh mahmah hi. Gamdang pan friend khawng nei in second hand puan khawng laibu hoih nono ngah zelzel hi. Ih gamsung kikhak mahmah laitak ahihman in nuntakna ah tampitak phattuamna om hi. Tan 10 pen B list tawh ong hi. College kah nuam ing. Kum khat kahkik nuam ing acih hang innkuan sung nuntak haksatna tawh kituak in nasep zong ding lamah kipia zaw hi.

A Sang uh pen Diploma hi in kum 2 bek sinding ahi hi. Sang sappiak ding om hetlo ahih manin thungetna tawh mapangin na lamdang tampitak phukha uh hi. FATHERING MINISTRY nei Jimmy Bohnett, Seatle, USA tawh kizom kha in tuate in sum leh pai tampi tawh panpih uh hi. USA a BACK TO THE BIBLE te lai ka khak a, lai kakhiat ding ciangin post box gei ah minutes 30 sung kamtuam bekbek pau in lai ka khiat leh tuate in zong laibu man leh Sang sap kisam teng hong pia uh cih, teci pang ngei hi. Sangkah sung sum leh paai haksatnate zi leh ta, nu lehpa, u leh nau tawh kikhen haksatnate khempeuh Pasian upna tawh zo toto in kum nih a Sangkah hong zo to hi.

Tua pan in innkuan in Australia omleng nuntak nuamzaw ding cih mu leh ih gam haksatnate kihuhzo ding hong mu ahih manin Kha khat vilvel anntangin thu hong ngen hi. A siapite un kha khat ann nelo cih bang lamdangsa in kho ding hong kipan uh hi. Genngam paklo ahih manin Kawlgam a Sangkahpih uh ahi, Sia Sian Cin Thang, Pa Neng Hau leh Sia Thang Hen Pau te kho sak uh hi. Bangbang ai zong ka ki-apna ci in kha khat bit mah thu ngen in a zi atate sap dingin lai hong khia hi. Tua laitakin atanu neu pen Sarah Dim Sian Dal suak nailo a, a ute gel bek ahi uh hi. Thangi te nuta teng zong bangmah neilopi mah upna tawh Yangon ah na kikhin suk pong hel zen uh hi. Bo Aung Kyaw a, Ni Don Za Cing ten a kha 3, Sia Mang Kaih Thang te in a U nu kiang ah kha 3 mah kibusa uh hi.

AUSTRALIA AH INNKUAN IN

1993 kum ciangin New Zealand pan a ciah Sia Go Za Nang Yangon a tun ciangin Thangii te nuta teng hehpihhuaisa lua ahihmanin kithawi un Kawlpi ah ciahto ni ci phialmawk mah leh Thangii mahmah in upna tawh ka kalsuan uh hih ciang a kitung hi U Nang aw, aban hong zom nung ci a, tua hunsung teng mah in Aussie pan sapna lai tungin Visa ngah uh ahih manin lungdamna lianpi khat hong suak uh hi. Bangkok a paitaktak ding uh ciang, a upa Sia Go Za Nangin geelsak hi. Bangkok a om Pu Nang Lian Thang zite hopih a, Airport na dawnsak un ci in, huhna ngen hi.
Upna mah tawh a septoh toh uh ahih mah bangin, World Harvest Institute Melbourne ah 1991/1992; LIGHTHOUSE COLLEGE OF MINISTRIES pan 3rd July 1994; Australia ah Bible College of Victoria pan 21st November 1998 cih bangin Topa in na gualzawh pih toto hi. Sang aman uh ciang tu a apawlpi uh 1997 kumin Melbourne Burmese Community Church (MBCC) phuan uh a, pastor sem uh hi. LMC pawlpi khut nuai ah om in Pastor pa itna leh muanna zong ngah mahmah hi. Melbourne pan in tanu Sarah Dim Sian Dal neih beh uh a, naupang teng Oxley College ah Sang kah theih na ding Pastor Graham Nelson leh David Odd te in vaihawmsak uh hi. A biakinn uh zong tua huang sungah mah hipah hi.

Pawlpi pat ma pekpan in, a innkuan un, Asian outreach nasepna zong nei uh a, Asia mi pongpong a bat tantan vuah Pasian nasepna septheih bangin sem uh hi. Tua ban ah, Lamgei khawng pan leh lawmlehgualte kiangpan in na luite kaikhawm in, Secondhand nikten puansilh, Siktawlai khetna, Puankhuina set cih dan a tuamtuamte kaikhawmkhawm in a sum neih sunsun uh tawh tembawpi puak sikbungpi te sungah guangin Kawlgam khak zel uh hi.

AUSTRALIA LEH BURMA LEI DAWH UH HI

Australia a teen nopna mahmah zong Kawl gam haksatna thei ahih man hih gamte hauhna zeek khiatpih theihna ding leei khat dawh ding cih upna ahi hi. Aust. Myanmar Mission kipawlna khat nei in Kawl gampan Pasian na semte sam ding leh Australia Pasian nasemte Kawlgam ah paisak ding. Kawl gam sung ah meigong tagah, huh zawh zah in huh ding cih ngimna liana hi.

• Cikha naucin Sang innpi khat lamsak uh hi.
• Haupi khua naucin Sang innpi khat lamsak uh hi.
• Nahnuai khua ah naucin Sanginnpi khat lamsak uh hi.
• Gamlai khua a naucin Sang innpi khat lamsak uh hi.
• Gamlai khua mah ah Community Hall khua zang thu kikup na ding, zin tun theih na ding hall khat lam uh hi.
• Gamlai lei hong kisiat ciang huhna Australia kumpi tungah ngen in Kawl sum in amasa Ks.7000000.00 leh anihveina Ks. 70,000,000/- ngahsak hi.
• Vialcian lui retaining wall bawl na dingin Ks.22,000,000/-.zong hong ngahsak uh hi.

SIA GO ZA NANG TECI PANNA

2004 in sanggampa in hongsam a, ACC makaipite tawh hong introduce hi. Mission director Alan Davies tawh ka kitheih uh akipan Aussie Pasian nasem tampi tak tawh kithei lawh in, Kha thupha leitung thupha tampi kingah lawh hi. 2013 in ACC conference Gold Coast ah ka kihel kha hi. A man nitak dinner ah, kei zong missionary khat dan in hong koih uh a, ka ki hel kha hi. 2014 leh 2015 ciangin Planet Shaker te Kawlgam hong paina ding lampi hong ki hong hi.

Tua thamlo in Australia Gam ACC Pasian nasem minthang tampi tak Hong pai in tentan hong pia thei uh hi. Tua bek thamlo in, Agape Home inn lamna, tu mahmah a AMC biakinnpi lam nate ah hong ki hel ciat uh a, Kha thupha leitung thupha taampi ki ngah lawh hi. Australia gam hawh ding a, asap Siate. Australia ah sam a, kha mit kihongin, Leitung thupha van thupha tampi tak ki ngah hi. Sia Go Za Nang, Sia Daniel leh Sia David Khente Australia pai theih nading lampi hong honsakna hang ahi hi. Kawl gam sung Pasian nasem tampi in hamphat lawh mahmah uh hi. Hihte khempeuh Kawl gam leh Australia gam Kha lei hong dawhna hang a, agahte ahi hi.

1997 kum akipan Pastor Graham Nelson, Life Ministry Center covering nuai ah MBCC Pawlpi hong phuan khia hi. Malaysia pan leh India Delhi pan in ih mipihte tampitak samkhia uh a, a hih theih zah in panpih uh hi. A ma pawlpi pan Pawlpi phuankhia in apai khia zong tampitak omkhinta hi. Sang gam u leh naute zong sam in tu ni ciangin a Upa Ngul Za Khen Pau te innkuan, anau Thang Lian Tuang te innkuan, anau nu Niing Khan Nuam te innkuan akipan, asung apu lamte, Hakha leh Falam lamte zong tampi mah panpih ban ah, atu atate tampi tak Melbourne khuapi ah kaikhawm hi.

Aman hong nusiat ciang hih leitung leh leitung nate thupitna gen vetlo bek thamlo in a dam loh sung bang gupngah nailo ding a, a ngaihsut khakte gupna thu genpih tangtang mawk hi. A nunung ahun zatna khat bang ah: Na zi natate, na inn na lote, na mawtawte, na pawlpite sangin kei nong it zaw hiam ci in Pasian in hong dong a, Topa aw nang mah hong it ing. Na ang sungah tawl nga nuam ing ka ci, ci hiau hi.

Hong nusiat ni ding Nipi khat sung bang zingsang 6:00AM (Kawlgam hun) Australia nai 10:00 pawl ta-in ka kihoden uh hi. Dal aw hong ngai mahmah ing. Hong painuam ing, ahizongin leitungbup hun hoihloh tawh kituak mawk ahihmanin visa kum 3 bang katawi hangin hong kipai theilo hi. A tawpna ah Topa kiang na ciah leh zong lamdanglo hi. Vantung gam thu i gengen namunah aciah ding hilo na hiam? A paisa i pa, i nu leh i nau Mangin hong dawn ding hi. Ki khauhsakin ci-in ki vaikhak ung.

Hong nusiat ni ma April 9, 2020 ka U Khente nupa na hawh thei-in thungetna tawh ap thei uh hi. A ciah uh ciang ka-u te-in hong hopih pah a, sanggampa pen apai ding hita gimsa lua ung. Na kiho inla limtak vaikhak in hongci uh hi. Hong nusiat ding ni in zingtung kahopih leh ka-mo Thangi in U Nang aw, U Dal tuzan buaipih ing ei, kei bekbek hi zen kihopih thei nawnlopi ci in hong gen hi. Kei zong video chat tawh phone hopih in Topa tung ah limtak apna nei ing. A sun teh Graham Nelson in na delh a, Topa tung a apkhitteh hong hopih a,”Dal is Going Home Soon” hong ci in kei kiang hong gen hi.

A tanute Mary Dal leh Sarah Dim Sian Dal atunteh “Lai Siangtho sim in, Pa aw na vision na ut na lunggulh na gengen, thungetna huangpite hong tangtungin, a kizoptheihna ding hanciam in thuna ngenngen ding hi ung, Pasian in hong hehpih in, nikhat niciang hong piangsak ding hi Pa aw, ka neulai vua singkung nuai, lopa dumte tungah puanza phah in, thungetna nongneihpih na munte dan mah in, tua thungetna huangsung ah na muhsa leh namuh nailoh natute tawh thungen khawm in, nang thu na gengen ding hi ung Pa aw” a cih khit uh ciangin , hong ciahsan hi ta hi.

May 2018 kumin S. Korea Dr. Yonggyi Cho CGI conference a zi Thangii tawh, Kawl gam pan David Khen, AMC assistant pastor leh Kaih No (Ygn) tawh va kah khawm uh hi. Prayer mountian Love-Hotel ah va tung uh a, tha tampitak ngahsa in Melbourne tung kik uh hi. Tua ni a kipan a sungah Pasian in a piak avei mahmah pen Melbourne khuapi kiimah Prayer mountain khat phuan ding cih a hi hi. Hih tawh kisai in u leh nau a innkuan azi ata leh amaakte tawh kithukimna khat kanei uh hi. Ama tungtanga, hong kivehna a kigalna khempeuh hih Prayer Garden bawlna dingin piakhia dingin ka kithukim uh hi. Tua ahihmanin Australia gam Zomi khempeuhin zong hihthu hong theihpiha, ma nong panpihtek nadingun kong hanthawn hi.
Hih ka sang gampa Gin Do Dal tung tangah ka-om nop mahmah hang leitung siat tawh kituak ahih manin ka hong paithei kei hi. A hong buaipih, hong gimpih khempeuh tungah kalunguh dam mahmah hi cih hih a tangthu tom tungtawnin lungdamna kong zasak uh hi.

AUSTRALIA LEH KAWLGAM KIKAL LEIDAWH DING (vision aus-myanmar mission association)

Hih Vision tawh kisai in, Melbourne a om Mikang lawmte Pawl khat zawnin, Kipawlna khat pankhia-a, tua pen Aus-Myanmar Mission Association (AMMA) ci hi.
Mission Support piak ngei teng a nuai a bang ahi hi.A nuai-a minte pen Pastor Gin Do Dal makaihna tawh AMMA cih kipawlna panin a kihuh ngei gammialna sem, tagahte leh Pasian nasemte ahi uh hi.

Tagah Naupang Panpihnate

A Nuai-a naupangte in tagah uh hi-a, ahih hangin Tagah sangah a omlote, a pi leh a pu tawh, ahih kei leh inn ah a kem khat peuh tawh a om naupangte ahi uh hi.

• Mose Pau
• Dal Sian Lam
• Van Sui Lian
• Thawn Khan Kim
• Zam Ngaih Huai
• Ning Tung Mang
• Thang Sian Ding
• Ning Geel Cing
• Pau Sian Khai
• Pau Khan Khai
• Man Sian Huai
• Kai Sian Muan Piang
• Ciin Sian Hoih Kim (Khuamawi)
• Lian Khan Thang

Mucu leh Community Hall Huhnate – Pastor Gin Do Dal makaihna tawh AMMA panin a nuai-a bangin Mucu inn leh Community Hallte lamsak hi.

• a. Haupi khua-ah Mucu in khat kilam hi.
• b. Gamlai khuaah Community Hall khat kilam hi.
• c. Nahnuai khua ah Mucu inn khat kilam hi.
• d. Chikha khuapi ah Mucu inn khat kilam hi.

Hih hun lai in, Australia Visa ngahna ding a haksat mahmah hunlai hi napi Pasian lamlahna tawh Pasian nasem adeuh in, Rev. Dr. Cin Do Kham, Evan. Langh Do Khup, Rev. Dr. Dam Suan Mung, Rev. Tamki tetawh Australia ah mikangte’ lak ah Pasian kammal kipulak kha hi. Melbourne Burmese Community Church mintawh nasepna pawlkhat

Yangon Based (13)

• Rev. Mang Kaih Thang Grace Community Church Yangon
• Rev.Mang Sian Thang Word of Faith Church, Yangon
• Rev.Thang Suan Mung, Jireh Assembly Thaugh Gyint,Yangon
• Rev.Tual Khen Kham, Emmaus AG Church , Chaught tsp,Magwe Div
• Rev.Tun Ba, Assemblies of God, Tandwe, Yakhine State
• Pastor Mang Nai, Pantaung Christian Church, Pantaung village, Kanpetlet tsp( Dai)
• Pastor Hlaing Hlaing Aye, Cungpauk Christian Church, Wakhemah tsp Ayeyawady Div
• Rev. Kham Khen Mang, ICI, Yangon
• Sm. Suhsuh Ma c/o Chaukmyo.
• Sm. Mai Tin Aye, Rakhine State
• Pum Sum Mang, Mission for Christ
• Pastor Thet Aung Aye,
• Sya Luka, Pakukomyo.

Kalay Based (14)

• Rev. Tuan Lian Thang, Tedim
• Rev. Kai Khan Mung, Tedim Baptist Chaplain
• Hang Cin Hau, Tedim BAG Sm. Cing
• Hau Vung, Cikha, EBC
• Sm. Man Suan Niang, Haupi Baptist
• Sm. Vial Kho Hau, Gamlai AG
• Rev. Lal Lian Kham, Sanmyo Baptist
• Sm. Ning Ngaih Do, Nahnuai AG
• Sm. Zi Suan Kim, Nahnuai AG
• Sm. Cin Tawi Mang, Nahnuai AG
• Sm. Cing Tawi Lun, Sakhankyi AG
• Rev. Suan Lian Pau, Sawbua AG
• Rev. Gin Lam Pau, AMC, AG
• Sm Ning Do Man, Nahnuai AG
• Sanggam Falam, Hakha, Mizo, Zomi te leh Pastor Gin Do Dalte innkuan –

Melbourne khua ah, eimite kumpi in ciapteh na hong neih ma, tu hunlaitak a inu ipa Refugee tawh hih gam hong tung masate pawl khat tunma in, Sia Gin Do Dal te innkuan na omkhin uh ahih manin, amuh na peuh pan un, samin, amau inn bek hilo, inn leh huang zaipi a nei Aunty Margaret Jenz te inn zong ngetsak uh a, Centrelink neilo, uh a hih manin, huh theih panpih theihzah in na pan uh hi.

Tulai a, AMES leh MIC te nasep bank account bawlsak, nasep zonsak, nektawm ding, silh tawm ding, nasep puan ding, inn ding, leh zumlam vai kamphen kisap hun ah kamphen in, anupa un atheih tawp uh suah in, panpih uh hi. Pasian in thupha hongpia in, a zi a tate uh hong saptheih tek uh ciangin, mi hong kibbeh laptoto a, Melbourne nisuahna lam ah tua hun laitak in a kilam en ngamlo hih zah ciang dongin Pasian in hong pawlcing sak hong kha lumsak a hihman in nuam mahmah uh hi. Melbourne Thuthang, Laimai 6

HOW I MET WITH DAL AND THANGI – by Aunty Margaret Jenz

Aunty Margaret Jenz in Pastor Gin Do Dal tawh a kimuh dan leh a sepkhopdan uh a genna hi. I met Dal and Thangi at Life Ministry Centre sometime in 1994. I became their driving instructor; soon after Dal received his licence. 1994 kumin Dal leh Thangi tawh Life Ministry Center ah ka kimu hi. Motor hawldan ahilhkha ka suak a, Dal in Licence hong ngah pah hi.

They stayed and studied at the Bible College of Victoria, in Lilydale campus, for some years and, after they graduated, they needed accommodation and God opened the doors for them to stay at our place in 14 Beaulieu Avenue Lilydale for a couple of months. Bible College of Victoria ah Lai Siangtho sangkah uh a, Sang aman khit ciangun, om na ding kisam uh a, Pasian lam honsakna tawh ko inn, 14 Beauleu Avenue Lilydale ah a kha a sim hong om uh hi.

In the year 2000 some Burmese people came to the World Baptist Conference in Melbourne. Many of them sought asylum with the Australian government. Kum 2000 ciangin World Baptist Conference Melbourne ah hong tunga, Kawlgam mi pawlkhat hong tung uh hi. Tampi takte in Australia kumpi tungah Asylum ngen uh hi.

Those people had nothing to live on; they had no status, no tax file number, no bank account, no money, no shelter, nothing at all. Dal and Thangi introduced them to us and Dal, Thangi and we helped them to find jobs and we accommodated them in our homes. I believe that this was the reason why the Burmese Community settled in the eastern surburbs.

Tua kawlgam mite in a khuasak na ding uh bangmah neilo uh hi; om theih na dingin Lai kician neilo uh hi, tax file number cih bang omlo hi, Bank account zong neilo uh a, sum neilo, om na ding omlo, bangmah neilo kikeuh uh hi. Dal leh Thangi te nupa in ko tawh hong kimusak uh hi. Dal, Thangi leh kote kipawl in na sep ka zonsak khawm uh a, ka inn vuah ka om sak uh hi. Hih teng hangin Melbourne nisuahna lam vengah Kawlgam mite in phualsat thei uh hi cih, ka um hi.

Dal and Thangi tried to help them with their basic needs as well as their spiritual need through the Burmese Church. But more people arrived from Myanmar and they wanted to start their own churches and now there are many churches all over Melbourne. I believe most of these churches originated from the Burmese Church in Chirnside Park.

Dal leh Thangi te nupa in a kisam bulpi teng huh bek thamlo in, Burmese Church tungtawnin Kha lam ah a kitangsapnate uh zong huh uh hi. Ahi zongin Myanmar panin mi hong tam semsemin, a mau pawlpi ciat hong pan nuam uh a, tu in Melbourne khua sungah Pawlpi tampi om ta hi. Melbourne khua sunga om Pawlpi a tamzawte Chirnside Park (Pastor Dal leh Thangi Pawlpi) panin a kipankhia pawlpite hi dingin ka um hi.

Neville and I started helping Dal and Thangi and this was a very pleasurable experience. There were many other Burmese people we helped, and I am pleased they have settled well in Australia and it is exciting to see them grow.

Dal leh Thangi te, Neville (Margaret’Pasal maw) huhna ka kipan uh a, tua bang ka phunkhak uh nuntakna pen nuam kasa hi. Kawlgam mi ka panpih uh a dang tampi om lai hi. Amaute Australia ah hoih takin, khuasa thei uh ahih manin kalungkim hi. Amaute a khantoh uh ka muhna in hong lawpsak mahmah hi.

I became a real Aunty for all the Burmese Community; they called me Aunty Margaret. Kawlgam mi khempeuhte’ Pi (Aunty) taktak ka suakkha hi: Amaute in Aunty Margaret hong ci uh hi.

AUSTRALIA GAM BUSH FIRE RELIEF FUNDRAISING ZOMI YOUTH ASSICIATION KIHELNA AH

2019 Kum sung Australia gam sungah gamkatna hangin Australia ZYA kipawlna in huhna pia uh-a, tua hunah Pastor Gin Do Dal in Australia gam ading thungetna aneihna ahi hi-

Heavenly Father, we come to you this evening, during this time of difficulty, to pray for the sufferers who endured the frightening bushfires in the last 6 months, all over Australia. Firstly, we would like to say thank you that, even though humans do not acknowledge it, we know for sure that your intervention, with the rain, resolved the massive problem. You are a great God.

There was a lot of loss and damage in houses, properties, trees, animals and even numerous human lives. O Lord, we don’t understand why Australia suffered this large catastrophe, so huge that it was nothing like anything we experienced before. O Lord let us be constantly aware that you are the King of kings and Lord of lords, and you are in control always.

Your word says so, “if my people, who are called by my name, will humble themselves and pray and seek my face and turn from their wicked ways, then I will hear from heaven and I will forgive their sin and will heal their land” 2 Chronicles 7:14.
We are your people, bought by your son Jesus Christ. We are your chosen generation. We have become included with the pioneering spirit that you ordained when the first settlers landed on Australian soil more than 200 years ago. O Lord heal Australia, the hurting people, the animals and nature itself.

May all the people come back to you with repentance from their wrongdoing, their stubborn hearts and minds. Please call them back to you through Jesus Christ, the saviour of the world. Send revival again into the whole Australia so that we all will be healed and saved.

Thank you for those who donated towards the “Bush Fire Relief” that came from the generous people and numerous groups, and organisations. Guide the people controlling the money and let the funds be used appropriately.

Thank you for the “Zomi” people and the “ZOMI YOUTH ASSOCIATION” for their energetic effort to raised $30,000. Bless this money so it can be properly used and bless the Zomi Youth Association for their future endeavours. Thank you, in Jesus precious name.

Pastor Gin Go Dal Tangthu tom

Gamlai khua, Pu Sian Vungh , Hantlangh leh Pi Man Za Don, Hatzawte in tanu tapa 10 a neihna lahvuah a 5 na ahi hi.

August 8, 1952 kumin Tedim khuapi, Lawibual veng; mah-3 inn-ah suak hi. KG-4 ciang Zomi Baptist Acedemy, Tedim Baptist sangah pilna sin hi. Tan 5-7 ciang Kalaymayo ST. Mary sangah kah hi. Tan 8-10 cian S.H.S Tedim ah pilna sin hi.

1970 kkumin tan 10 B- list tawh zo hi. University zom nuam mahmah hi napi, innkuan sung haksatna tawh kizui-in kumpi nasep zong hi.

1971 kum ciangin Tonzang khuapi a om TEO Pu Neng Khen Thang panpihna tawh Co- operative Society ah LDC tawh nasep kipan hi.

1974 kum Rev. Hau Lian Kham in Tonzang ah cialpi a bawlna panin ki-ap-in pianthak kitel cianna ngah hi. 1976 kumin Tonzang Gospel AG pan khia uh-a, Secretary sem hi. Rev. Go Bawi Bangalore pan BRE hong man-a, hong ciah ciangin sia semin khut kilen uh hi.

1982 kum ciangin UDC tawh Hakha khuapi ah transfer hi. Hakha a tun ciangin tu-a Ebenezar AG pawlpi ah upa sem in pawlpi ah mapang hi.

A tanu upa pen Esther Lunpi Hakha ah suak hi. Mary Lal Lawm Kim pen Tedim innpi ah suak hi. A nau neupen Sarah Dim Sian Dal pen Melbourne ah suak hi.

1983 May 22 Sunday ni in, PU Dal Tum leh Pi Tlang Lawm tanu papa pen Nu Rual Tin Thang Bawithangbeh tawh, Rev. Dr. Hau Lian Kham in Tedim AG biakinn pi sung ah, Pasian mai mite mai ah pumkhat suahna pia hi.

1989 kum ciangin BC tawh Tachiliek ah Transfer dingin a kithawi laitakin Pasian sapna ngah ahihmanin Kawlpi khua ah om Agape AG pawlpi ah Pasian nasep kipan hi.

1990 kum ciangin Pasian lam honsakna tawh Light House Bible College, Melburne ah Lai Siangtho Sangkah dingin pai hi.

Pastor Neil Belsar in a genna ah, “Lai Siangtho sang kah ding mikangpau lah siamlo, sum lah neilo bang cih peuh mah ding ci in kalung himawh peuh mah hi,” ci hi. “ Ahih hangin ka inn ah a om sung anne ngeilo thu ngenngen mawk a, lamdang kasa peuhmah a, lamkhatpan thupi kasa mahmah hi, “ ci hi.

Melbourne sangah kah dingin a pai ciangin ka suhbu uh hong in, $800 khawng guan-in, ka tanu hong zinghawh ka gen leh Neil tanu Corinna in, $10 pia in Bank Account honsak a, tua tawh a sangzuan in pai hi.

1994 kum ciangin a zi Thangi leh a tanute Lunpi leh Mary zong tung uh hi. Tua kum in Victoria Bible College ah MA akah kum ahi hi.

1997 January kha in MBCC pawlpi phuan in Pastor sem hi. Tuni Pawlpi pi cing khat hong suak hi.

1998 Aust-Myanmar Mission Association hong phuan khia hi. Ama vision pen Australia leh Kawlgam Kha leei dawh ding cih hi-a, Australia Pasian nasem tampi tak Kawlgam zin sak hi. Kawgam Pastor tampi tak zong Australia ah sam in kha mit kihonna leh taksa lam hamphatna tampi ngahsak hi.

Gamlai Community Hall, Naucin sang, Cikha naucin sang, Haupi Naucin sang, Nahnuai naucin sang, Kawlpi ah AMC(Agape AG) pawlpi ah biakinn, leh Agape Home Building ading tampi tak piakhia hi.

2018 kumin CGI conference South Korea ah kah a Melbourne khuapi kimmah thungetna huan thak khat phuatding ngimna lianpi khat nei thak hi.

Adamloh sung upnatawh kha galdo den a, a ngap sunsunin gupkhiatna thu mah Australia gamsung State tuamtuam leh Pawlpi tuamtuamte ah pai in, genpi in nei hi. Pasian in vantung gam nopcitna lak zel, Hell khua sung haksatna lakzel ahihmanin gupkhiatna ngahlote mahmah veilua ing, gupna a ngahloh ding mahmah uh nasa lua ing ci-in, veipi in nei hi.

2018 kum in prostate cancer ngah in operation bawl hi. Dam siang theilo in chemo kithun zel napi dam siang theilo hi. 2020 ciangin a natna lian semsem a, Siavuan ten zong bawlzo nawnlo ding ci ahihmanin inn ah kikhoita hi. A nat a sat sungin a lung gimlua mahmah cih om ngeilo lel a, nui hiuhiau denlel hi.

Kawlgam ah Hun bawlna leh atuamtuam

• Pastor Gin Do Dal hong nusiat a kizak ni 10/4/2020 in AMC (Agape AG) Pawlpi te in nitak in Rev.Go Za Nang’ inn ah hehnepna hun khat kinei hi. Pawlpi panin Aksa cim kihuan hi.
• 10/4/2020 ni mah ah Nahnuai Full Gospel Hunbit Pasian na semte leh Upa te motor khat tawh hong pai uh a, thu pulakna thu ngetna hong neih sak uh a, Ks.100000 tawh hong gal uh hi.
• 11/04/2020 ni zong Rev. Go Za Nang te inn ah Gamlai innkuan Kawlzang a ten kipawlna mintawh niangtui awm in, tutpihna nei hi.
• Shalom AG Gamlai ah 14/4/2020 ni in Sia Khen Mang leh Sia Pau Tawng makai in Gamlai khua in phawkna innkuante thungetsakna kinei hi.
• Gamlai khua kipawlna min tawh natvehna $1000 kikhak a, lungdam mahmah hi.
• Pastor tawlkhat sung a sepna a pawlpi Agape Ministries Centre in zong $2000 tawh nat hong veh uh a, tualo, pawlpi mi, ulenau khualetui tuamtuam te in zong neihsa thathang supna baina tampi tawh nong lah uh itna te hang in ka lung uh dam mahmah hi.

Melbourne ah

• Apirl 10, 2020 ni sun 11:00am (Kawlgam Hun) pawlin ana asep sak, ih Topa kiangah hong ciahsan ta hi.
• Apirl 24, 2020 Friday ni in, LMC ah hun kibawl in, daitansakna kinei hi.
• Gang Khuppau te innkuan in Melbourne a tenna a innsungpan in, lungzuan sialpihna hong nei uh hi.
• Thu hong ngetpih, hong veh, hong dahpih a kua mah peuh tungah lungdam mahmah hi.

Go Za Nang – U Dal Tawh Ka Kithuahna 1983 – 1989 – by Mangkaih

1983 kum in kei Hakha ah State Co-operative zum ah June kha in ka lut aa tua maa kha thum pawlin amah Tedim pan UDC tawh hong piat kiim hi. Ka pianthak tung ahih mah bang lawp lua-in zum khat lah hi si tawh niangtui dawn khawm cih bang tawh a sawt loin innkuan khat bangin kikhawl ung. A inn ah ni khat khatvei ka tunloh hun kisim thei phial in cin a tawpna ah unau lian khat bangin om khawm thei ung. Adiakdiakin kha lam ah hong pantah hi.

Amah pen lungduai, kiniamkhiat-in kithuah leng ken nuamsa semsem ing. A hoih lam bek pulakin a hoihlo khawng pan kha-in genleng ei tuate gen dingte hilo ci-in a khialh khak ding zong kidawm mahmah khat hi. A kisapleh zong thum vet loin mi buaisak peuh mah lo hi. Niangtui dawn khawm leng zong aman vekpi aa ding sum sian nuam cih bang kimuh sim hi mai. Ih nek maa aa kei piak ding I cihte bek a kipiakha hi mawk.

1983 kum sung teng upna tawh kalsuanna cih thu nasia takin hong gingin amah bel Sia Seiaa, Sia Thangno, Pa Karr cihte tawh India gam dong na nawk toin kei bang October kha 1983 kum in Zeisu liamma hang dam zo ci-in zatui bang up, kisam lo a cih phial zah dongin upna tawh kalsuanna lamah hong makaihin hangsanna ciang khat Khazih sungah hong tun. Hong kalsuanpih dan.

1983 pan 1997 sung teng biakinn ah zingsang nai 4:00 pan nai 7:00 dong thungen in maa pang khawm. Zan lamah a inn sapna ah nitak sim phial cih ding biakinn ah kikhoploh nileh gospel hong pai a om keileh praise & worship la tomnote tawh biakna pia khawm den thei. (Khualzinna a om keileh) Khatvei vei biakinn ah pulpit tungah zan thapai thu ngen khawmin ka gim uhteh lum sukin a khanglo masa sa kiphongkikin thunget zomto.

Sani ciang bang Sia Suan Pau, Sia Tung Pau, kei leh a mah tawh Hakha aa a sang pen mual tung (Rung thaung) ah antangin ka man uh ciang upna tawh pulakna nei-in vanleeng hong leengte tutna khat Zeisu min tawh kham kholna nei-in kha sungah amah tawh kithuah sung pen kinosuak mahmah.

Sia Khambawi leh Sai Ahone crusade lai ding lai golpite zum pan lasimin, a tangkosakna, nasia taka a colour namkim tawh bawlin zingsang khuavak ma aka nih vuang kithuahin Hakha mawtaw lam zing aa innte tungah belh kawikawi-in revival tun ding deih sak lua. R.T.C hong tunleh a nung ah crusade ding tua kalaite uh vaban belh pah cih bang in kithuah ung.

1986 pawl Sia Sawm Lian Pau (Paupi) gospel hong pai-in, Naga lam kisapna leh a hamsat dan hong genin tha ngah lua-in U Dal kiangah kei nasep tawp ta ning in. Naga gam va pai ning ka cihleh tua bangin na kimawk khentat thei lo thugen phot ni hong ci-in khualzin khia pak ni hong cin hong gen in holiday tawm la tuakin tun upna tawh Tonzang pai ding. Puan zaa pua lo dingin ih zum kah pih khut khai tawh pai ding hong ci-in R.T.C tuangin thungen kawmin Falam tung. Mawtaw ka khawl leh U Cung Ling tawh kituahin hoih ei tunitak ka inn ah hong giak unla thu ngen ni hong ci. A zanteh Pa Langh Tun Langhte mawtaw hong tungin zingsang kawl kilehkik ding ci-in ka tuan uhleh an hong taih bek thamlo mawtaw sap hong la lo uh U Dal vang tawh. Zingteh Tai Ngen pan ka kum khit uh deuhte Pa Thawng RTC hong kahin Tonzangpaidingci-inmawtawsapkulloinTonzangtungung.

TuatehSiaThangnokiangtunin Tonzang AG biakinn ah ni thum sung sun leh zan antang thungen ung. A ni thumteh Sia Thangno a zum pan hong pai-in tintan hong pia aa kipiakna tawh kisai hong hilh khitteh thu hong ngetsak uh aa tulaitak pen khawl nail oh dingin Topan deih zaw hi ci-in prophet danin hong gen khitteh mual tungah kahin pulakna Sia Pau Dalte tawh nei khawm ung. Kei nasep tawp vai pen kha lam aa i pute thu kinget sak loh ding cih deihsakna tawh Hakha pan Tonzang sum leh paai, hun bei lawhin na hong seppih.

1986 kum September pawlin Full Gospel Business Men’s Fellowship ah Dr. Chin Khen Mang makaihna tawh Aman Hakha chapterah president semin ken Secretary sem. Kha khat khatvei kikhopna bawlin thungen khawmin tha kipiaknate nei thei ung. Kum khat khatvei biakinn ah Crusade bawlin ka khialh kei leh Sia Daniel zong khatvei main speaker hong sem ngei. Tua min mah tawh kumkhat leh a lang sung bang Sagaing aa missionary siamah Cing Za Pau, kha khat Ks. 150/- tawh sum kidongin panpihna kinei ngei. U Dal hong makaihna tawh hi.

1987 pan Agape aa hunbit Pasian

1987 pawl panin thungetna, upna tawh lakna pan khuanote ah gospel pai ding hong makaih. Gospel pai ciangin antang, meitui , sathau leh besan I zat ding pua dingin a valte innteekte nusia ding cih dan tawh hoih ding hi hong ci-in ka khialh kei leh ka pai ma sakna pen uh bengte khua hi in ka tun zan un ka innteek ten nau pasalno khat hong nei-ni Siate no a min hong vauh un hong ci-in Joshua Mang dal ci-in na phuak ung. Khua be leh Zo khua leh adang dang khuate lungdamna thu pawl khat ah zan thum cih bang tamin gospel na puak ung.

1991 kum in kumpi nasep pan khawl ding aa ka pu U Than Myint, Thaungyi ah ka kum suk aa ni dang Hakha ah saupi ka kithuahpih uh hi aa ka khawl ding hoih saphalo in tawm khat ngak lai in hong ci. Nang leh Pa Dal pen (tamah) zum ah na penson lak dong uh sem kei nuteh cih, kong up mah hi. Hakha om lai aa Nang a hih keileh Pa Dal khualzinteh kong ton pihpihna pen na biakna vuah hanciamna hih uh ciang aa vak suk vak tohna ah lungmuanhuai deuh ding hi cih upna tawh kong tonpih hi zaw hong ci ngei. Amaa kiang gen ngei keng. 1990 pawl gamdang pai ding Yangon ah ka zin takteh ka kithuah aa vai sah mahmah ei. Hih zawh nading ka pai khiat ni dong ni khat khatvei bek anne ding Pasian thu lungngai, thunget simloh lampi hamsa hong ci. Ni khat khatvei bek anne in vaite a phuphu hi-in gen bek hilo action tawh a semsem ahih lam phawk semsem ing. Tam lua lai-in hih zat ci phot ni. MBCC Church