Malaysia meileng tuahsiatna hangin KTM meileng te hoihtak taithei nailoding

Malaysia meileng tuahsiatna hangin KTM meileng te hoihtak taithei nailoding

Malaysia, Kuala Lumpur khuasung kikawmna, meileng lampi tungah abeisa Thursday (Nov 23) ni in Cargo Train akici vanpuakna meileng khat kibung hi. Tua Cargo Train pen akigawm in leng “Carriage” 12 tak hi a, tua tuahsiatna apianzawh KTM Komuter Services zong nawngkai cippah cihi.

Tuahsiatna apianna pen Sogo Shopping Mall ii agalkhat aom Bank Negara Station geinai ah hi a, zingsang 2:58am hunpawl in atuahsia ahihi. Tua tuahsiatna hangin meilenglam “train tracks” tepen ki khakcippah hi.

Meileng atuahsiatzawh apuahpah uh ci a, ahi zongin guahtui tamluatna hangin Repair Works pen deihbang in semtheilo uh ahih manin, December 03 nidong Kepong leh KL Sentral kikal aom Stations te ki khakcip laiding hi ci’n thunei te’n pulakkhia uhhi.

Keretapi Tanah Melayu Berhad (KTMB) panin Statement akhahkhiatna ah meileng lampi puahkikna Repair Works pen November 28 ni in zawhding in akigeel himahleh guahtui tamluatna hangin December 03 nidong ki sotto photding hi ci’n pulakkhia uhhi.

Tuaban ah meileng atuahsiatna Bank Negara Station geipen leisung lutna Tunnel tawh kizom in, puahphat nasepna “Repair works” pen nawngkai saktuam mahmah cihi.

Meileng lampi lemlohna hangin meileng ataina Routes tampi kikhakcip a, KTM Komuter Train tepen ataisunsun Minute 30 panin Minute 45 ciangbang ziakaituam cihi.

More: India, Mumbai meileng Station ah mipi kiphugawp in mi 22 si, adang 30 bang liamgawp

Meileng lampi pen lempakloding ahih manin, adang Transportation zattheihding in thunei te’n vaihawmsak uh a, akician in atheinuam te’n KTMB’s official Twitter ah ki entheiding hi. KTM meileng te zattang in MRT, LRT (Light Rai Transit) leh GO KL Bus tezong zattheihding hi ci’n thunei te’n pulak uhhi. Khuasung vaknading leh nasep kuannading in KTM meileng azangte’n meileng nazuihma un koi Station teng kikhakcip cih hoihtak kancian masakding kisam khading hi. Sawltak #zomidaily