MCC – Tulsa: Sports Sunday

MCC – Tulsa: Sports Sunday

Tulsa khuapi a om Myanmar Christian Church pawlpi-in, a 5 veina Myanmar World Cup 2015 pen May 23 leh 25 ni tengah nei ding hi.

Ngimna – Pawlpi kem siapi pa Dr. Khaipi (Kham Khan Khai) ii vision a om bangin Zomi te makaih na tawh, kawlgam pan hong pai khangno Bawllung siamte laam to in, KHE TOH AN NE DING khangno tampi lap toh ding lunggulhna lianpi nei hi. Hih ngimna tawh ki zui in, Tulsa khuapi ah bawllung ki demna pen kum sim in ki nei a, tu’n a 5 veina dong hong hi ta hi.

$1500 kipia ding

Kum sim in, team 10 ta pha a, tu kum ciangin, team 12 bang hong phato ta ahih manin khangno lam zong ki lawp zaw, zong ki khangto zaw hi cih zong ii muto thei hi. Tua bek thamlo in, akhatna ngahte zong $1000 bang ciang ki pia pen, tu kum aki pan a khatna ngahte $1500 leh a nihna te $ 700 cih bangin pahtawina zong ki neito thei ta ding suak ahih manin lungdam huai mahmah hi.

Committee – 2015

• Sport Ministry pan in, hih anuai a Committee ten hong maikaih ding uhhhi.
• Upa Thang Sian Mang (Sport Director)
• Sia Thang Min Lian (Sport Pastor)
• Upa Go Hen Thang (Judge)
• Upa Nang Khaw Vungh (Field Coordinator)
• Upa Lian Sian Thang Haunung (Lead hospitality & Media)
• Pa Thang Khan Tung (Judge)
• Sia Thang Chinlal Khuptong (Judge)
• Pa Lian Tuang (Secretary)
• Tg. Deih Thang (Treasurer)
• Siama Janet Don Mang (Opening/closing Coordinator)

Sports Sunday

Hih Soccer kimawlna pen kum 5 cin phawkna leh Topa phatna in, May 24, pen Sport Sun Day in ki nei dinga, 6pm biakpiakna ah Soccer Website zong honna ki nei ding hi. Tua ni-in, sport T-Shirt silh ciat ding zong ki hanthawn hi.

ZOFA Huhna

Myanmar World Cup in, Kawlpi a om ZOFA bawllung pawipi tu kum in, huhna puak dingin zong geelna lianpi nei hi. Lam khat pan in, MWC pen a min pua, a vaihawm cih thu bek hia, a huh taktak pen Tulsa khua Zomi te’n ZOFA ahuh hi zaw hi.

Soccer Gospel

2017 teh, kawlgam ah team hoih khat pai pih in, Soccer Gospel pai dingin Siapi pan geelna nei hi. Tua ciang in, Zankong, Mandalay, Kawlpi te ah kimawlna om dinga, kawl gam lam thuvan dingin Sia Do Khup (Sports, Zangkong) zong ki seh khin hi.

Mailam Geelna

Mailam ngimna ii neih mah bangin kam pau siam loh man tawh na sep ii ngah zawh kei leh zong ii khe hong hat peuh leh nuntakna om thei veve ding cih muhna nei ii hih manin US pan Club mindawk khat neih ding zong ki geel a, a sawtlo in, kumpi tungah Register zong bawl dingin ki geelgeel ta hi.

Home field ding pen a sawtlo in, bawllung tualpi bawl dingin zong ki geela maikum teh, zat theihpah dingin geelna a om te Siapi pan gen hi. Hihna khempeuh Pasian minthan nading bek hi ta heh. Amen Akicingin a nuai ah link pan zong kimu thei hi. MCC Media