Mawtaw Parking ngahnading in anu in a taneu nisa lakah Minute 20 sung tusak

Mawtaw Parking ngahnading in anu in a taneu nisa lakah Minute 20 sung tusak

Malaysia, Kuala Lumpur khuasung mawtaw akikoihna Parking Lot khatah naupang lam apaitheipan khat aki tusak akimuh ciangin Online ah Photo kisuaksak kawikawi a, ki gensepsup kawikawi hi.

Hih Photo asuaksak masapen ii genna ah hih naupangno ii anu pen mawtaw akoih masakna panin hihlaimun ah tuahnuam ahih manin, midang in Parking akoihtheihloh nadingin nisalak ah ataneu angaksak hi cimawk hi.

Atheician te genna ah hihmun pen Malaysia, Kuala Lumpur, Jalan Kuchai Lama aom mitam mahmahna munkhat ci uhhi. Tuateng ah Office tuamtuam tam ahih manin, mawtaw koihtheih nading Parking hamsa mahmah ci uhhi.

Tua ahih manin atapa nisalak ah anu in ngaksak ci a, tawmciksung angaksakpak ihsakleh Minute 20 sungbang ziakai in tuasung in atapa nisalak ah Parking ngah nadingin tucipsak cimawk hi.

Hih naupang sauveipi atucip amukha pawlkhat in aki nusia, akipai hiam ci’n lunghimawh uh a, adot uhciang in anu in Parking a ngaksak ahihlam kitheikhia a, lamdang kisathei mahmahtek hi. Pawlkhat pen hehsuak in agensia ziahziah zong om uhhi.

“A taneu lawmlawm hibang in nisalak ah Parking a ngaksak, aki gukloh phadawm. Aki taihkhakloh phadawm. Parking Lot munkhat ngahnading in ata nusia ngam” cihbang in Facebook ah pawlkhat in gen ngeingai uhhi.

Mihing pen atuamtuam ki ommawk a, tate itdan zong atuamtuam hikhading hi. Muhdan leh ngaihsutdan Comment ah honggelh dihvou leh 🙂 ZD Sawltak #zomidaily