Innkuan papi khatin ahawl mawtaw kibung in azi leh ata in sihlawh

Innkuan papi khatin ahawl mawtaw kibung in azi leh ata in sihlawh

Malaysia, Terengganu State sung aom “Sekolah Rendah Kebangsaan Kuala Abang” gei ah zanni in mawtaw khat kibung leulau hi. Hih mawtaw sungah ahawlpa, azi leh atanu tawh mi 3 atuangkhawm uh hi a, azi leh atanu in sihlawh cih NST pan kiza hi.

District Police Chief in agenkhiatna ah Honda Accord mawtaw tawh innkuan khat atuangkhawm uh hi a, ahawlpa pen kum 25 aphakhin Mohd Nazrin Nizam cihi.

“Sekolah Rendah Kebangsaan Kuala Abang” gei atun ciangin lamzik kikal ah adalna Divider taihkha in, tuakhit ciangin meikhuam khat phukha leuleu a, mawtaw pen ki lumletlian hi.

Mawtaw amaibuk ahawlpa gei ah azi atu hi a, azi in ata ngeklai kha 7 bek aphapan atawikawm ahihi. Azi leh ata ngeklai tegel mawtaw sungpan in ki lawnkhia in, azi pen aphual mahah sipah hi. Ata ngekpen Dungun Hospital kipuakman in ahi zongin asawtlo in zato panin siveve hi.

Azi pen kum 25 aphakhin khat hi a, amin pen Nurbani Fartini Ahmad Farnizar kici hi. Alu leh apumpi liamgawp ahih manin aphual mahah asisuakpah ahihi.

Mawtaw ahawl apasal pen silo in, liamna huaisia luapi zong ngahlo cihi. Kuala Terengganu panin Dungun zuanin apailaitak mawtaw hatlua in, lenkip zolo, Control zonawnlo ahih manin atuahsia ahihi.

Azi leh atanu luanghawm tepen Dungun Hospital Forensic Unit ah kipuak in, Postmortem kibawlding uhhi.

More: USA ah Kawlgammi khat mawtaw Accident in si

Apasal pen “Section 41(1) of the Road and Transport Act 1987 for reckless driving and causing death” cihtawh thu kibawlding cisawnsawn hi. Zi leh ta sihsuah lailai, kimat thuak lailaiding. Sawltak #zomidaily