Malaysia NSE lamzikpi tungah mawtaw khat puakkham, ahawlpa meikanglum

Malaysia NSE lamzikpi tungah Nissan mawtaw khat puakkham, ahawlpa meikanglum

Nissan mawtaw khat Malaysia, North – South Expressway (NSE) lamzikpi tungah zanni atailaitak in puakkham in meikuanggawp cih Bernama pan kiza hi. North-South Expressway KM6.3 ah tua Nissan mawtaw pen thakhatthu in puakkhamvat in, meikuanggawp a, ahawlpa zong meitawh kihallum in sihlawh hi.

Tua Nissan mawtaw pen apuakkhap khitciangin taalgawp a, Bukit Kayu Hitam ngeinai aom lamzikpi akidalna Road Divider aphutkhit ciangin khawltheipan in, tualai ah meikuanggawp hi.

Tua Nissan mawtaw sungah ahawl khatpabek atuang hi a, aminpen Tan Kia Sock kici hi. Tan Kia Sock pen apumpi avekpi 100% bang mei kanggawp in, aphual ah asipah ahihi.

Tua Nissan mawtaw ii a nambat “Registration Number” tawh akikan ciangin aneipen Tan Kia Sock kici kum 71 aphakhinkhat kici hi.

Hih tuahsiatna vaitawh kisai in Kubang Pasu police chief Supt Mohd Ismail Ibrahim in agenna ah mawtaw meikuanggawp ahih manin, Bukit Kayu Hitam Fire and Rescue Station panin meiphelhding in Firefighter honkhat Minute 15 khitciangin hongtungpah uh cihi.

More: Malaysia Sprint Highway lamzikpi tungah mawtaw khat puakkham in meikuang

Nissan Sentra mawtaw pen Firefighter te atunzawh asawtlo in meikuang kiphelhzo in, ahi zongin 90% bang kangtum gawpkhin hi. Mawtaw sungah ahawlpa pen huaisia zawlai in amel asa bangmah kitheinawnlo zahdongin meikangtumgawp hi.

Tua mawtaw ahawlpa pen Bukit Kayu Hitam lam zuanin apai laitak in atuahsia kici hi. Sawltak #zomidaily