RapidKL Bus Driver khat mawtaw a phenghawlgawp laitak Video kizaih in kikhahkhia
Malaysia khuasungteng kikawmna in akizang RapidKL Bus Driver khat lamzik thukhun zuilo in, ama utbangthu in lamlanglam akantan laitak Video kizaihkha a, Social Media tungah ki thehzakpah hi.
Puchong vengsung aom lamzikpi khatah abeisa Sunday ni in atuaci hawlgawp hi a, Video amukhapeuh in lamdangsa in, mawhsak mahmah uhhi.
Tua Bus Company te ahi Prasarana Malaysia Bhd (Prasarana) te’nzong hihvai tawh kisai in Facebook tungtawn in Statement khat khahkhia uh a, tuabang in lamzik thukhun zuilo in ahawlgawp Bus Driver pen ki kankhiakhin a, anasep panin ki khawlsakkhin ci uhhi.
Tuaban ah banghangin tuaci hawlgawp cih athu akicianin Company sungah “internal investigation” kibawlsan laitak ci uhhi.
Tuaban ah Prasarana Malaysia Bhd (Prasarana) te’n mipi tungahzong hihbangin nawngkaina apiangsak Bus Driver tangin thumsakna nei uhhi.
Ageinai pan Video akizaih pen Second 35 khawng sawt a, Puchong vengsung LRT Station gei ah thupiang cihi. Lamzikpi alanglam ah U-turn bawlsawm ziau a, lamzikpi alang leh alang ah mawtaw tampi atai ziahziah ahih manin lauhuai mahmah hi.
Video: ‘Reckless’ RapidKL bus driver in viral video suspended
Adiakdiak in Malaysia gamsung aom Bus Driver pawlkhat te’n thukhun zuilo phadiak uhhi. Traffic Light khawngahzong asanpipi mah hawlsuak veve in, bangmah awlmawh neimelmello uh ahih manin, lamzikpi kantansawm te’n hih khuasung Bus te kidop huai phadiak hi.
Bus vaitawh kizom in, nungdiak in Kuala Lumpur khuasung ah akibawl SEA Games ahzong Myanmar Team te tuanna Bus Driver pen mawtaw hawltheihna Licence neilo ciliang hi. Hihzah in athupi pawibawlna ah azatding Bus Driver khatpen Licence aneihleh neihloh sitmanloliang uh ahih manin, buaina piangpah hi.
Related: SEA Games ah Myanmar te’n Malaysia 5-0 tawh zogiap ahih manin aciahnading tavai pah
Driving Licence aneilobek hilo in, guta nahi sawnsawn a, SEA Games Player te khat van naguksak ahih manin, Myanmar Women Football Team te aciahding ziakaisak dikdekmawk uhhi. Sawltak #zomidaily
Comment piaknop aomleh...