South Korea gamsung Highway khatah mawtaw 7 ki phukhagawp in mi 2 si, adang 16 liam

South Korea gamsung Highway khatah mawtaw 7 ki phukhagawp in mi 2 si, adang 16 liam

South Korea gamsung Seoul City leh Busan City akizopna Northbound Highway lamzikpi tungah zanni Sunday ni in mawtaw nasiatak in pianga, mi 2 si in adangzong mi 16 bang liam cih Korea Herald pan kiza hi.

South Korean Police te genkhiatna ah hih Accident sungah Passenger Cars akigawm in mawtaw 6 leh Bus mawtaw golpikhat kihel cihi.

Sunday nitaklam 2:50pm hunpawl in Seoul’s Yangjae Interchange geinai aom Gyeongbu Highway tungah atuahsia ahihi.

Guahtui hangin lampi nal ahih manin mawtawneu Passenger Cars te kiphukha in, tuaciangin Bus khatzong nakkha cihi. Tua Bus zong ahatna khiamding in akithawi laitak lamnal ahih manin lengsuakin amai ah atailai mawtawneu khat tungah kiasukmawk hi.

Video: 2 killed in 7-vehicle crash on South Korea highway

Tua mawtawneu tungah akiat laitak amai ah atai mawtaw panin Video Record kibawlkha in mulkimhuai mahmah hi. Mawtawneu sungah mi 2 atuang uh ci a, tuate nihpen sipah uh cihi.

Korean Police te’n hih mawtaw kithuapgawp, kinawkgawpna ahang taktak koipan kipanhiam cih akansan laitak uh kici a, ahi zongin polhtatna “Careless Driving” hangmah hiding in ki ummawh cihi.

Highway lamzikpi tungah mawtaw akigawm in 7 tak akinawk khagawp himawk ahih manin Northbound Lanes 3 leh Southbound Lane 1 kikhakcippah in, mawtaw lampizong Traffic Congetion piangsakpah cihi.

2015 kum inzong South Korea gamsung ah mawtaw 100 valbang ki phukhagawp in, mi 2 in sihlawh a, adangzong mi 60 val bangin liamlawh ngei uhhi.

More: Korea gamsung ah mawtaw 100 val ki phukhagawp, mi 2 si

Yeongjong Bridge akicipen Incheon International Airport tawh aki gamlalualo, tuipi tungah akilam leisau minthang khat ahihi. 2000 kum in akilam hi a, Incheon International Airport Expressway ii ahiangpi khatzong ahihi. A sauna Meter 4420 hi a, leitung ah aminthang mawhlo, anasia mahmah lei thupikhat inzong akigen khat ahihi. Sawltak #zomidaily