USA, Maryland ah thaukikapna piang, mi 5 sikhin in, adangzong mi 2 liam

USA, Maryland ah thaukikapna piang, mi 5 sikhin in, adangzong mi 2 liam

USA, Maryland State sung aom Annapolis City sungah Thursday sunlam in thaukikapna piangin, mi 5 peuhmah in sihlawhding a, adangzong atawmpen mi 2 bang liamding hi ci’n Fox News te’n genkhia uhhi. The Capital Gazette kici Newspaper te ii Building zumpi sungah ngimngiat in akikap “Targeted Attack” kici a, US gamsung Journalist te akihel thaukikapna ah misi atampenpen hiding kici hi.

Tuabangin mi tampi thautawh akappa zong kumpi thunei te’n mankhia khinta uhhi ci’n Anne Arundel Sheriff Ron Bateman in genkhia hi.

Thursday nitaklam 2:40pm hunpawl in Bestgate Road lamzikpitung aom The Capital Gazette te ii zumah thaukikapna om cih akitheih ciangin Law Enforcement te kisampah hi. Athu pen aki kansan laitak hi a, ahi zongin tuciangciang aki genkhiathei ahihleh thaukap pen mikhatbek hiding hi ci’n Anne Arundel County Police Lt. Ryan Frashure in Reporters te tungah genkhia hi.

Nitaklam in News Conference akibawlna ah thaukikapna buaina apianna ah apuakkhamthei Explosive Device khatzong kimukhia a, ahi zongin thunei te’n tuapen hoihtak in encikkhin uhhi. Adang bangmah aki muhbehding in ki lamenlo hi, tuaban ah Building innpizong muanhuai dinmun hita hi ci’n genkhia hi.

Police te’n tua thautawipa pen amin apuam apulakkhiat nailoh uhhangin, tuapa pen mikang pasal “White Male” khat hi ci’n genkhia uhhi. Police te leh tua thautawipa kikapna omlo in akimankhiathei cihi.

Video: At least five people were killed and at least two others were injured during a shooting described as “a targeted attack on The Capital Gazette” in Annapolis, Maryland, Thursday afternoon, local officials said, in one of the deadliest attacks involving journalists in U.S. history. An unidentified suspect is in custody, Anne Arundel Sheriff Ron Bateman told Fox News.

Law Enforcement te’n tua thautawipa kuahiam cih apulakkhiatding ahamsatna pen thautawipa ii akhutme te kitankhia ahih manin hamsatna omsak hi cih Fox News te’n mukhia uhhi. Ahi zongin tua akhutme tepen amahleh amah aki tankhia hiam, thau akapna panin aliamna hanghiam cihpen kitheician nailo hi.

Tua ahih manin thautawipa pen amaitang etsakna Facial Recognition Technology tawh kuahiam cihpen ki kankhiading hi ci’n U.S. Official te’n Associated Press te tungah genkhia uhhi.

Anne Arundel Police te’n Twiiter tungtawn in apulakna ah thautawipa pen kimankhin a, Building sungah aomkhempeuh zong ki pusuaksak khinta hi. Officers te’n Building sungteng hoihtak in sitcianna neikhin uhhi ci’n gelhkhia uhhi.

More: Malaysia, Kuching aom ansai khatah thau kikapna piang, mi 3 liam

The Capital akici Newspaper pen Annapolis City sungah 1884 kumpek in akipankhia ahihi. The Gazette kici Newspaper zong amau ii neihsa “Sister Newspaper” mah hi a, US gamsung aom Newspaper khempeuh lakah akipatkhiat asawtpenpen telakah akihel khatzong ahihi. Sawltak #zomidaily