Mangkam Sinna, Tedim

To: Dear Zomite Aw
A 1vei Mangkam Sinna 2015, Tedim Khuapi -ah kineithei hi. Ahun beidong a ki-omtheihloh hangin “Khaici” akituhkhin suak ahihmanin,
Ka lungdamna thu kong tangko hi.

Mangkam sinsakna tawh kisai a, mabungte

1. Singapore Zomi Innkuante tungah, Lamka Zogam pan Mangkam sinsaktute ading, sen leh paih a hong neihna uh tungah ibiak Pasian in thupha atamzaw sem tawh hong phungvuhsak hen.

2. Nanphulun Baptish Church, Pastor ahi, Pastor Tuang leh Pastor Dr Lang Khan Khaite in, Lamka khuapi panin hong pikhia uh a, Tedim khuapi ciang don hong makaihkoikoina uh hangin, Pasian in, a innkuan uh tungah akisam bangbang tatsatlo-in, panpih in, leitung thupha leh vantung hausakna hong piaksakta hen.

3. ZYA Tedim, makaite in, ka haksatna te uh, kal hong suanpi, nek ding tak ding hong vaihawmsak in, giahna, tangtang paina ding ban-ah, ihmulo leh annelo liang a, hong buaipih in, CIKHA ciang dong hong khakna uh hangin, lungdamna kithukzolo ding ahihmanin, ibiak Pasian in agim leh tawlna te uh, hong thuksak henla, leitung leh vantung thupha tawh a innkuanciat vantung MANAN tawh hong thuksakta hen.

4. Tuikhiang ZYAte in Kiallap (breakfast ) tawh hong vadawnna uh tungah zong akhuabuppi in Topa in thupha tampi hong piaksakta hen.

5.ZYA Cikha in Zing-an tawh hong vaitung uh a, lungdamna khitui tawh an kine in, kitaimahmah ban-ah Khenman tan Mawtawpi tawh hong khaphei uh a, lungdamna, mangngilh ngeilo ding a hong bawlna uh tungah, Topa Pasian in ZYA Cikhate tungah ki-itna, kipsak henla, Cikha khua in thupha namtuamtuam a ngahna nak hong hisakta hen.

6. Lamka, Zogam panin ZOLLS , Komitite makaihna tawh Behiang khua-ah, Galkapte kelkawng (gate)-ah hong na vadawnna ua, Panlaphadiakte 1. Asst Prof Pauchungnung Vaiphei, Pa Liansonmang Finance Secy, Pi Ciinno ZMA, Secy, leh Mawtaw hong thoh/ Mawtaw hong zangsakte/ hong sapsakte

1.Pu Langkhanpau Guite Chairman ADCC/Lamka—————– Rs 5000/-
2. Pu Mangchinkhup EM/ ADC———– ———————– Rs 4000/-
3.Pu Gouzamang Guite —–do————————————- Rs 5000/-
4. Pu Kamsuanlun —– do ———————————— Rs 4500/-
5.Pi Grace Zamnu ADC Member ————————– Rs 5000/-

Mawtaw a hong zangsak leh Mangkam sinsak a paite U- leh -Nau hong awlmawh a hong delhte khempeuh leh Pu K.Guite, Adviser ZRO, Pu LB Sona, Rev Dr Luaichinthang, Chairman, ZOLLS,Asst Prof Pu K.Vungzamawi, Rev Dr Liankhanlal Simte, ZOLLS, Treasurer, ban-ah Media hong awlmawh a, kalsang hong suante khempeuh tungah,tung sianmangin, ama (Topa) hauna ahi, leitung thupha leh vangtung thupha hong pia in, akhang, akhangin, mimalkim khattek tungah hong guanciatta hen.

Mangkam sinna 2015, Sub-Kommitti sik leh tang ban-ah
Chief Co-Ordinator sik-le-tangin,
( S. Dal Sian Pau )