Mandalay ah Curfew ki khawlbawlphot

Mandalay ah Curfew ki khawlbawlphot

Mandalay khuasung buaina hangin abeisa khakhatval akipan nitaksim Curfew aomden hi a, ahi zongin tu’n khuasung gamnaizawta ahih manin, kumpi thuneite’n Night Curfew khawlbawlphot cih Irrawaddy News in genkhia hi. Night Curfew hunsung pen kaal 5 val (Five Weeks) sung sawt cihi.

Mandalay khuapi sungah Buddhist leh Muslim te buaina aomkhit ciangin July 03 ni akipan 9pm pan 5am dong Curfew omden hi. Khuasung mipi gamlumna, lungsona te hong daihzawkdeuh ciangin July 28 ni akipan 9pm pan 3am dong Curfew ki khiamsuk hi.

Khuasung lungsona beina ahih manin Curfew ki samnawnlo hi ci’n Mandalay Division’s Chief Minister Win Zaw Niang in genkhia hi. Tuahangin tuni Monday ni akipan Curfew ki khawlbawlphot dinghi ci’n genbeh hi.

Hih Buddhist leh Muslim te Mandalay khuasung buaina tungtang ah mi 50 val kimankhia a, pawlkhat in hiam atuamtuam tawi uh ahih manin, gawtna atuamtek thuakding uhhi.

ZD Sawltak