Mandalay ah agil akizom apeng nihte buaina omlo in ki at khiat sakthei

Mandalay ah agil akizom apeng nihte buaina omlo in ki at khiat sakthei

Myanmar, Mandalay khuasung aom zato khatah asuahcil in agil akizom in asuak unau nihte Operation kibawlthei cih Eleven News pan kiza hi. Chanayethazan vengsung aom Lupna 550 ata naupang zato “550 Bedded Specialist Children Hospital” ah March 23 ni zingsang 6pm hunpawl in Operation bawl akipan uh ahihi.

Hih unau agil, ataai akizom apeng tepen anih un pasal tuak ahihi.

Hih unau apeng tepen asuahcil akipan tua 550 Bedded Specialist Children Hospital panin akepcip uh, a etcik uh hi a, kumkhat aphak ciangin acidamna uh a nawngkai sakding omlo cih amukhit uhciangin Operation abawlpan uh cihi.

Hih unau apeng tepen Kawlgam kumpi panin huhna tampi ki vaihawmsak ci a, tuabek thamlo aomna Specialist Children Hospital paninzong akisam zatui leh vanzat tuamtuam huhna pia uh cihi.

Hihbang in unau agil akimat te aki at laitak pen mipi te’nzong a ettheihding in TV paninzong Live in ki khahkhia cihi.

More: Mandalay ah Taxi Driver khat thautawh kikaplum in akikapzia palik te’n kansan

Hih “550 Bedded Specialist Children Hospital” akici naupang zato pen aminthang khat ahihi. 2002 kum inzong ataw akimat, akizom numeinih apeng te ki at khiat sakngei khinhi. Tuaban ah 2012 kum inzong ataw akimat, akizom mah ahi pasal apeng te ki atsak hi. Kawlgam Doctors tezong siammahmah cih kilang semsem hi. ZD Sawltak #zomidaily