Malaysia aom Zomi te huhna kisamlua uh

Malaysia aom Zomi te huhna kisamlua uh

UNHCR pan thusuahsak om mahbangin, Chin State pan refugee te 31 Dec 2019 ciang kizopna bei ding cih thu aom bek thamlo in,13C te zong atamzaw acard/laidal uh laksak uh ahih manin bangmah tawi neilo Zomi mimal/ innkuan tampi Malaysia ah ki-om hi.

Inn lam ah nungkik dinglah hamsa ahih manin huhna kisam pha mahmah hi. Chin state bek hongkinolh hi a,namdangte kinolhtuan lo hi. Gam thumna khatpeuhpeuh tun theih na’ng a vansak thei,ahuh thei ding mi, kisam pha mahmah hi. Pa Khup

Thang C Khai :: Gamthumna lunggulh a om lai Zomi te lungnuam het kei mah ei, bangbang ahih zongin, akihon ciangin akihong hi a akikhak ciangin akikgak ong hi miaumawk a hih man in, Ahun zui a thupai dan leh akhua hun zui a thuluan dan tungah i kingakh zawh ding athupi penpen hi.

Lungkiatna ding leh hih gamthumna vai a lungsihna dingin tuatpeuh mah kei uh, Zomi te pen gamnei hihang igam ah ahi zongin mihing ta ding leitungah khuasak na ding Topan ahoih lam tampi onggelsak dinghi.

Topan hoih sak a leh lah avaisai te lungsim sungah thukilam dang ong omvat thei thu khat zong hi leuleu hi.

Mihing mailam kalsuan na ding pen, Lampi khat bek hilo hi-in, Lampi tuamtuam om ahi.

Hun khat lai kei, kei zong Sum tampi bei in US tuntheihna ding zongin ka om ngei a, US Puaisapi a hi Thailand a om Suai Heng in, ong heh nepna khat ah sum leh pai tampipi bei in pai sawm dah lel in, mihing te a dingin a lampi hoih khat ahih nak leh mailam hun ah lunggim selo, sumbei paibei zong kullo in alampi hong om lel ding hi. ci-in ong heh neen ngei kam khat kaphawk den hi.

Keizong tua a kipan Thuhoih lahoih kazak masiah Malysia ka om sung teng sum kaneih theihna dingin ka han ciam hi. Topan thupha ongpia in Malaysia pan in zong mimuh zah mingah zah kangah zenzen loh hangin kei a ding tawh akituak in Topan thupha ong pia hi. Malaysia gen loh Zomi te pen, MIZOGAM nangawn pan in khuasak na ding akingah lua ahihi.

Hibang ka gen ciangin, Mizogam thupi a sa ka hi kei a, sum cih pen leilu leitaw ah na om kawikawi ahih lam tawh ka mipih te ong neemnuam ka hi zaw hi.

Tawtawpna ah, Zomi te a dingin gamthumna pen Topan Kum 4 sung onghon sak khin zo a, hi kum 4 sungin Zomi tampi tak gamthumna kitung khin hi. Topa thupha ahih lam ka telsiam mahmah hi. Topan ong deihsakna omlo hi leh sumtang zanglo in Zomi hizahzah gamthumna kitung zolo ding hi.

Mihing te pen, lungkiatna aneithei i hih teisam hangin lam etna anei thei mihing khat ki hileuleu hi. Lam etna leh ngimna gelna kician tak na neihnak leh koikoi na tung zongin nahan ciamna zahzah pen agah nalo ding a, minuamsa khat mah in, nalam tena leh nahan ciamna in ong koih dinghi.

Amau mun leh mualzui in, Gamdang ah zong mihau om in, Zogam ah zong mihau om veve hi.

Malaysia pen kimat kihen theihna gam khat ahih mah bangin, Malaysia ka om sungin, Kum 9 sungin, 2001 pan kum 4 deuh sung bangmah ka neilo in ka om a, bangmah neilo mah in mat leh hen kathuak hi, bangmah neilo te din mun atawpna Thailand dong ka tung hi, bangmah neilo mah in Malaysia ah ka om kik hi.

2005 ciangin Free calling tawh ka om leuleu a, hih Free calling mah tawh ong ki man leuleu in, Hih Free calling mah tawh kasuakta leuleu hi.

2007 ciangin, Topa thupha tawh UN kangah a hih UN Card mah tawh ong kiman in, UN card mah tawh UN te in ongla khia leuleu in UN tawh kumnih phial mah ka om hi.

Atawp na ah, gualzawh na pen Topa a hi a, Guamthukpisung katung zongin Topa om veve a, Mualsangtung ka teeng zongin Topa in ong mu veve ahi.

• Lungkhamna ka tuah khitciangin,
• Lungnopna tawh ongzut kik pahpah hi.
• Kagil agil hangin, Gilkial in ongsi sak sam lo hi.
• Tui duh dangtak in, siding a ka om lai tak in, Tuivot kilkel hongpia a,
• Anduh gilkial in ka om lai tak in, Alim mahmah buhsih leh Aksa tawh hong vak hi.
• Mat leh hen ding lau mahmah in, ka om lai tak in, kagei ah kih taak ding khat zong ong pai sak lo in, lungnop khamuanna tawh ongtuam beh hi.
• Sum kisam on ka om lai tak in, Sum tawh kei hong huh ding mi hong pia hi.
• Zatang nek ding omlo, Cina gim mahmah ka on lai tak in, akhawnkhongin kei hong dam sak hi.
• Zi neilo in ka om lai tak in, Zi hongguan a,
• Taneilo in ka om laitak in Ta hong pia hi.
• Motor neilo mawtaw kisam, lamdung tengah guahtui thuak in, ka om lai tak in, – Kei a ding Motor hoih mahmah khat ong pia hi.
• Leimmong khat a om Ka Tun Nu ka ngaihmahmah lai tak in,
• Kagei ah Ka Tun Nu ong tusak hi.
• Kei hong huh ding neilo ka om lai tak, kei hong huh dingin, micingh mipil misiam Dr te kei a dingin ong pia hi.
• Inn neilo ka om a, kei a ding In hoih mahmah khat hong huan hi.
• Leitung a gam zawng pen gam mi pan in, Leitungah mihau pen gam mi khat in hong bawl hi.

Atawpna ah, han ciam in la na hih na bangbangin i lung kim in. Thang C Khai (USA)