Malaysia University sangnaupang 3 Kanza (Ganja) tawh kiman

Malaysia University sangnaupang 3 Kanza (Ganja) tawh kiman

Malaysia, Serdang ah University sangnaupang 3 te aomna Hostel sungah Kanza akeplam uh kimukhia ahih manin kumpi thunei te mat thuak uh cih theStar pan kiza hi. (Kanza ihcihpen Manglai in Ganja, Marijuana, Cannabis cihbang in kisamthei kawikawi hi)

Tua sangnaupang 3 tepen kum 22 gualpawl vive hi uh a, Dorm Room sung aom Wardrobe sungpan in Ganja honkhat kimukhia ahih manin Thursday ni 10:30am hunpawl in akiman uh ahihi.

Serdang OCPD Asst Comm Megat Mohamad Aminuddin Megat Alias in agenkhiatna ah hih University sangnaupang te omna kisit in Plastic Bag avom sungkhat ah Ganja 15.7gm leh Plastic Bag akang sungkhat ah Ganja aki gawivuisa honkhat kimu ci’n genkhia hi.

Temtaneu Penknife khat, Cutting Board khatleh bangmah akikoih nailo Plastic Bag honkhatzong kimukhia a, tuate pen Ganja tawmta in akoih uh ciangin avanzat uh hiding cihi. Zatep nadingin abawltawm buk khatzong matsak uhhi.

Hih University sangnaupang te lakah mi 2 tepen Agriculture lamsang ah Bachelor’s Degree asinlaitak uh ahihi.

Adang khatzawpa pen Animal Science asinlaitak cihi. Athum un guihtheih zatleh zatloh Test akibawl ciangin Positive vive lak ahih manin, amau ngiat inzong guihtheih khamtheih azangzang hiding kici hi.

Athum un “Section 39B of the Dangerous Drugs Act 1952” thukhun ombang in thu kibawlding uhhi. Malaysia gamsung ah Ganja 200g tawh akimat nakleh sihdaan “Death Sentence” aki piakloh phamawh ahihi.

More: Philippines thongkia te aguaktang Photo ki khahkhia ahih manin, kimawhsak

Nidang in Zogam sungkhawng ah Ganja pen sakol anding khawngin akipiak ziauziau banglo in gampawlkhat in Ganja atampian tawh akimat nakleh sihdaan piaziauthei uhhi. Ih omna gamkhat peuhpeuh ah thukhun bangdan om cihzong theihhuai veve hi. ZD Sawltak #zomidaily