Malaysia Selayang – Kepong lamzikpi tungah palik te’n mi 2 kaplum

Malaysia Selayang – Kepong lamzikpi tungah palik te’n mi 2 kaplum

Tuni 19 August (Friday) ni in Malaysia gamsung Selayang – Kepong Expressway lamzikpi tungah palik te’n mi 2 kaplum cih theSun Daily pan kiza hi. Tua aki kaplum mi 2 tepen migilo hiding in aki ummawh ci a, palik te’n amatsawm laitak uh thautawh nakap uh ahih manin, palik te’nzong kapkik uh a aki kaplum uh ahihi.

Selangor Criminal Investigation makaipipa genkhiatna ah hihthupiang pen tuni zingsanglam 4am hunpawl ci a, “Op Cantas Khas 2” cih aminvawh uh Malaysia gamsung siansuahna Operasi abawl laitak un thupiang ahihi. Palik te’n lamzikpi tungah Operasi bawlin mawtaw apailai te akhawlsak laitak, mawtaw khat muanmawhhuai takin honghawl phei cihi.

Road Block abawlna panin palik te’n tua mawtaw akhawlsaksawm ciangin khawlnuamlo in taisuaksan hi. Police Patrol Car nawkphei in, ataisuaksawmna panin apeital in lamgei aom singkung khat phukha in a mawtaw khawl hi.

Tuakhit ciangin mawtaw tungpan in mi 2 hong pusuak uh a, palik te tawh thau kikaptuak uh in, tuapan in tua mi 2 te thau in kapkha cihi.

Palik te’n mawtaw sung hoihtak a Check khit uhciang in Pistol 2 muhbeh uh a, thautang honkhat leh guihtheih vankham zatui honkhatzong mukhia uhhi. Tuaban ah Handphone zong 9 bang mawtaw sungah om ci uhhi.

Hih mihoihlo 2 te pen kum 20 gualpawl hipan a, Klang Valley sung ah mi thahna Murder Case tawh 4 vei bang Record aneikhinsa uh cihi. Tuaban ah nung March khasung Batu Caves thau kikapna ahzong akihel te nahihtuak uhhi.

More: Malaysia gamsung migilo te’n Grenade Bomb 8 bang neiding ki ummawh

Tusung pen Malaysia veng tuamtuam ah kimat kihen kiza kawikawi, zankim zankhang in thunei te’n migilo te bengkawikawi uhhi. Kidopsiam mahmahni. ZD Sawltak #zomidaily Zomi khatpeuh in phattuamna a ngahding in lamen hang. Zomi Daily ah nonghawh zelzel manin lungdam mahmah hi!