Malaysia, Penang State sung aom ansai minthang mahmahkhat sungah mi tampi anne in aomlaitak mawtaw khat tuahsia in saisung ah lutsuak seisai cih NST pan kiza hi.
Tua ansai minpen Kassim Mustafa Restaurant kici a, George Town, Lebuh Chulia vengsung aom ahihi. Zannitak 11pm hunpawl in ansai sungah Perodua Alza mawtaw avomkhat tuahsia in lutseisai ahih manin, anne in aomte kihemkhia ngeingai uh cihi.
Ageinai ah amukha te genkhiatna ah mawtaw tuahsia in saisung ah alut ciangin anne in atu Restaurant Patrons tengzong aphut khakding patau in kihemkhia ngeingai uh cihi.
Video: CCTV captures moment car crashes into nasi kandar restaurant
Kamphatna tawh anne Customers te kuamah aliam omlo cihi. Tuaban ah mawtaw hawlpa zong bangmah liamlo cihi. Mawtaw sungah ahawlpa bek atuang hi a, adang Passenger kuamah kihello hi.
George Town OCPD Asst Comm Anuar Omar in agenkhiatna ah ansai apualam ah akikoih Motorcycle khat phukha masa in tuakhit ciangin saisung ah alutsuk cihi. Hih tuahsiatna vaipen polhtakna “Reckless Driving” tawh thu kibawlding cih kiza hi.
Related: Johor lamgei vanzuakna “Hawker Stall” te mawtaw in phukha in Tourist khat zato tung
Video: Car ploughs into hawker street in Penang
Nungkhasung inzong Lorong Baru aom lamgei anzuakna Hawker Stall te ah Hyundai i10 mawtaw tuahsia in phupheikha ahih manin, mi 5 liam ngei hi. ZD Sawltak #zomidaily
Comment piaknop aomleh...