Malaysia, Penang ah naungek asuakcil khat kipai leuleu

Malaysia, Penang ah naungek asuakcil khat kipai leuleu

Malaysia, Penang ah naungek asuakcil khat kipai leuleu a, Penang ah tukum January kha akipan naungek suakcil akipai athumna hita cih theStar pan kiza hi. Tuaban ah mihing asuaklian nailo Foetus zong akipai nihvei bang om cisawnsawn hi.

George Town sung aom Perak Road ah Thursday ni zingsang 8am hunpawl in akimu hi a, nupi khatin amuhkhiat masak ahihi. Amuhphet in Penang Police te zasakpah uh a, Perak Road Flat khat ii inndawl 5 na aom Corridor panin akimu ciziaumawk uhhi. Naungek suakcil pen pasalno ahihi.

George Town OCPD Asst Comm Mior Faridalathrash Wahid ii genkhiatna ah hih naungek asuakcil pen anungtalai in Corridor ah akimu hi a, liamna bangmah omlo, cidam mahmah hi ci’n genkhia hi. Agihna Weigh pen 2.4 kg hi a, asanna pen 46cm ahihi.

Akimuh phetin Penang Hospital ah kipuak sakpah a, tulaitak Neonantal Ward ah kikemlai ci’n Statement ah genkhia hi.

Penang Police te’n hih naungek kuapaih hidinghiam cihpen aveng apam te dongkawikawi in kansan uh cihi.

Hih naungek pen tukumsung Pennang ah naungek kipai lakah ahingin aki mucil ahihi. Adang naungek suakcil akipai tepen asisa vive in kimu hi.

February 12 ni in Gertak Sanggul Beach aom dailenbuk sungah naungek suakcil, alaigui zong akitankhia nailo pasalno khat asisa in kiu hi.

Tua madiak February 07 ni inzong puteek khatin Bandar Perda ah ninlak panin naungek suakcil akipai pasalno khatmah mukhia hi.

More: Malaysia, Penang ah naungek suakcil khat ekbuk sungah ki nusia

January khasung inzong Chai Leng Park ah naukiphiat anu gilsung ah kha 6 khawng apha khinding Foetus kimu hi. Lebuh-raya Batu Maung ahzong March 14 ni in nau kiphiat in akipai Foetus mah kimu cih kiza hi. ZD Sawltak #zomidaily