Malaysia gamsung ah palik azalianpenpen IGP Khalid nasep khawltading

Malaysia gamsung ah palik azalianpenpen IGP Khalid nasep khawltading

Malaysia gamsung ah palik thuneipenpa ahi Tan Sri Khalid Abu Bakar pen apanmun “Inspector-General of Police (IGP)” panin tawptading cih Bernama pan kiza hi. Zingciang Monday ni in Kuala Lumpur khuasung aom Police Training Centre (Pulapol) ah amah ii azalaihding tawh panmun ki apna “hand over duties” neiding cihi.

Panmun ki ap, kilaihna Ceremony bawlna munah tulaitak Malaysia Home Minister leh Deputy Prime Minister asemlaitak ahi Datuk Seri Dr Ahmad Zahid Hamidi zong kihelding cih kiza hi.

IGP Khalid ii nasep akhawlding Retirement Plan pen amah ngiat ii ageel ci a, asuahni Birthday atunmadeuh nikhat akisap in Retirement abawlding ahihi. Monday nipen Retirement, Tuesday nipen Birthday ahihi.

IGP Khalid in Bernama te tungah agenkhiatna ah zingciang ka nasep ka tawlnga tading a, tuakhit ciangin Petaling Jaya (PJ) aom Malaysian Institute of Baking ah Cookery Class kakahding, mohbawldan kasinding hi ci’n genkhia hi.

Zingciang Retirement Ceremony akibawl khitciangin, Pulapol Parade Ground ah pahtawina Special Parade zong nitaklam 2:30pm hunin ki bawlsakding cihi.

IGP Khalid pen Negri Sembilan, Seremban pan hi a, Royal Malaysian Police ah asepzawh kum 40 bang Experience aneikhin khat ahihi. 05 December 1976 kumpan kipan Inspector tawh akipan hi a, tuapan in damdam in aza khangtoto hi.

Royal Malaysian Police ah palik asepsung athupidiak apanmun tepen Negri Sembilan police chief (2005), federal police CID deputy director (2006), Selangor police chief (2007), federal police director of Internal Security and Public Order (2010), Deputy IGP (2011) cihbang ahihi.

Khalid pen 17 May 2013 kum akipan Inspector-General of Police (IGP) panmun tawh tunidong asemto suaksuak ahihi.

Related: Malaysia Refugee lakpan MyRC Card abawl mi 300 bek phapan

Hihpa IGP nasep panin akhawl khitciangin azaluahding penin bangci bangin hong semtodiam? Hih palik ulianpenpen IGP te tungtawn inzong Malaysia gamsung ah kimat kihen vai tampitak kisaina omveve hi. Malaysia gamsung aom palik khempeuh nasep khawlding cihkhawng hileh Zomi te’n ki zanuamzaw mahding hiven. Sawltak #zomidaily