Malaysia gamsung ah migilo ngongtatna Terrorism tawh akizom mi 5 kiman

Malaysia gamsung ah migilo ngongtatna Terrorism tawh akizom mi 5 kiman

Malaysia gamsung ah abeisa kalsung ah migilo a ngongtat “Terrorism Activities” tetawh akizom mi 5 kimankhia leuleu cih NST pan kiza hi. Tuabang in Terrorism Activities vaitawh akiman tepen October 13 leh October 26 kikal in Malaysia kumpi thunei te’n amatkhiat uh ahihi.

Kuala Lumpur, Selangor, Perak, Sabah kuamsungteng ah “Special Branch’s Counter Terrorism Division” te’n amatkhiat uh hi a, tua mi 5 te lakah Malaysian gammi 2, Egyptian gammi 1, Pakistani gammi 1 leh Middle East gampan 1 cihbang ahi uhhi.

Hihvai tawh kisai in palik thukanpi ahi Inspector-General of Police Tan Sri Mohamad Fuzi Harun in agenkhiatna ah Malaysian gammi 2 te lakah khatpen numei hi a, tua mi 2 tepen Syria gamsung aom Islamic State ah galkap tetawh kizom uhhi ci’n Statement ah genkhia hi.

Tua akizoppih papen Muhammad Wanndy Mohamed Jedi akicipa hi a, tuapa pen Malaysian gammi khatmah hi in, Syria gamsung ah IS makai tetawh akithuah ahihi. Malaysian gammi akiman 2 te’n galvan vanzat leinading in sumdong kawikawi uh a, tuapa tungah asumte khakkhia uh cihi.

Akiman mi 5 te lakah amasa penpen in akiman pen Egyptian gammi khat hi a, amahpen kum 50 aphakhin khat ahihi. Selangor kuamsung ah October 13 ni in akiman hi a, amahpen Private Company khatah Executive Manager panmun tawh nasemkhat ahihi.

Amahpen abeisa 1988 leh 1993 kikal in Afghanistan gamsung ah omngei a, tuahun sungin Al-Qaeda Militant Member khatin akihel ngeikhat ahihi. Tuaban ah Al-Qaeda Leader makaipi ahi Osma Laden tawhzong akimukhawm ngeikhat ahihi.

Tuapa pen Afghanistan gamsung ah Al-Qaeda makai khatin akihelkhit ciangin Travel Document Passport atuh zangin Canada, Azerbaijan, Pakistan cih gamte ah apailam zong genkhia hi. Tuabangin Fake Travel Document azatngeina hanginzong Canada leh Egypt gamte ah mat thuakngei in, Terrorism Activities vaitawhzong thu akibawl ngeikhat ahihi.

Anihna akimanpa pen Kuala Lumpur International Airport ah October 25 ni in akiman ahihi. Amahpen nasep kician taktak aneilokhat hi a, Middle East gampan in Kuala Lumpur khuasung zuanin alutlaitak in akiman ahihi. Malaysia gamsung aom Foreign Diplomat te’n Death Threat Case vaitawh kizom in aciaptehkhat ahihi.

Athumna akimanpen Pakistani gammi khat hi a, Perak, Sitiawan ah akiman ahihi. Amahpen South Asia gamsung tengah Islamic Militant Organisation tetawh kizom in agamtang khat ahihi.

Alina akiman pen numei kum 32 aphakhin khat hi a, October 25 ni in Gombak vengsung panin akiman ahihi. Amahpen Terrorism Activities te nasepnading sum akaihkhopsak khat ahihi.

More: Hiam gamtatna (Terrorism) ~ Tual Khan Suan

Anunung akiman pen Malaysian gammi khatmah hi a, amahpen Telecommunication Company khatah Service Manager nasep asemkhat ahihi. Tua akiman mi 5 tepen kumpi thukhun ombangin thu kibawlding cih kiza hi. (Gamsung singnuai mite zatding in thauvui thautang leinading sum kidong, sum akikhak cihkhawngpen kumpi thunei te’n theikha uh hileh alauhuai mahmah thukhat ahihi. Tuahangin gamkhatpan gamkhat sum akikhak ciangin limtak in athu akidong ciatciatzel ahihi.) Sawltak #zomidaily