Malaysia, Perak ah mawtaw kiphukha in meikuanggawp, innkuan khatpan mi 5 si

Malaysia, Perak ah mawtaw kiphukha in meikuanggawp, innkuan khatpan mi 5 si

Malaysia, Perak State sungah zanni Saturday ni in mawtaw nih kiphutkhakna hangin, meikuanggawp a, innkuan khatsung panin mi 5 takin sihlawh uh cih Bernama pan kiza hi. Perak State, North-South Expressway (NSE) kici lamzikpi tungah mawtawneu khatleh Trailer mawtawpi khat akinawkkha ahihi.

Saturday zingsanglam 11:45am hunpawl in Menora Tunnel kici leisung kuahawmlutna ah mawtawneu khat apusuahkhiat khitdeuh in atuahsia ahihi.

State traffic investigation and enforcement department panin makaikhat in agenkhiatna ah tua mawtawpi Trailer pen ahawlpa in hoihtak hawlthei nawnlo, Lost Control ahih manin taklampang lamzik ah kikhawhphei in, adang mawtawte anawkkha hi ci’n genkhia hi.

Tua mawtawneu pen Trailer mawtawpi leh Concrete Barrier kikal ah awkcip in, tuakhit ciangin meikuanggawp sawnsawn hi. Tua mawtawneu sungah atuangte pen atutna ah ki nencipgawp ahih manin, pusuak khiatheilo uh a, mawtaw tawh mei akangkhawm cimawk hi.

Video: Five family members, including a baby were killed in an accident involving the car they were travelling in and a trailer along the North-South Expressway near the Menora Tunnel in Perak on Saturday.

Tua mawtawneu sungah atuangte pen innkuan khatsungpan hi uh a, asi mi 5 tepen Kuala Kangsar Hospital ah kipuaksak hi.

Kuala Kangsar panin Ipoh zuanin apai adang mawtawhawl khatin agenkhiatna ah meikuang akipat ciangin mawtawneu sungpanin honghuh un ci’n nupikhat akapgawp ka galzak hi ci’n genkhia hi.

Tua Trailer mawtawpi pen kikhawhthawh gawpin adang mawtawneu tampizong nawkkha a, anunung ah mawtawneu khat Concrete Barrier kawmkal ah anencipkha ahihi. Agingzong ngaihmahmah a, apuakkham khat aomkhit ciangin meikuangpah ziahziah hi ci’n amukha te’n genbeh uhhi.

Kuala Kangsar Hospital paninzong Forensic Unit ah asemte genkhiatna ah Trailer mawtawpi in nencip in, meikuanggawp hi. Meikuang huaisialua mahmah ahih manin ageinai ah amukha “Road Users” te’nzong huhtheilo, bangmah cihnading theilo uhhi ci’n genkhia hi.

More: Malaysia, Johor Baru datsisai ah mulkimhuai takin kithahna makaipipa kimanta

Meikuang pen huaisia mahmah in meiphelh ahi Fire & Rescue Personnel te’nzong nai 4 sungtak aphelh uhciangin meikuang phelhsiangzopan uhhi. Tua Trailer mawtawpi sungah Iron Ore kici sikbawlnading honpikhat akipua hi a, Johor panin Penang zuanin apailaitak in atuahsia ahihi. Sawltak #zomidaily