Malaysia Marigold bawngnawi te ki dop huai (Recall Product)

Malaysia Marigold bawngnawi te ki dop huai (Recall Product)

Malaysia gamsung ah akibawl ahi Marigold bawngnawi te lakah 200ml leh 1 Liter Package in akibawl te pawlkhat a Company te’n samkik [Recall Produck] uh cih theStar News pan kiza hi. Samkik (Recall Produck) cihciang in hih bawngnawi te sungah akihel Ingredient tepen akihelding zahsang in avalzaw ahih keileh atamzaw kihelkha om cih ahihi.

Hih Marigold te ii sapkik bawngnawi tepen Expiry Date November 07 ciang (Peninsular Malaysia) leh November 11 ciang (Sabah, Sawarak, Labuan) ahihi. Sabah leh Sarawak lamah Zomi te ki omkholloding ahih manin, ei ciaptehding in November 07 ciangdong Expiry Date aomte cihna hipah hi.

Marigold Company te ii genkhiatna ah hihbang in asapkikna ahangpen Marigold HL te sungah akihel Cholate Milk pen akihelding zahsang in tamlua ahihman ci uhhi.

Customer Feedback tungtawn in aki theikhia hi a, Customer te ii Feedback piakpen “Marigold HL Chocolate Milk” akicite bek hi a, ahi zongin Marigold Company in adang Package ahi “Marigold HL Plain Milk” leh “Marigold HL Strawberry Milk” tezong samkik uhhi. Tuaban ah 1 Liter in abawl Package te ahi “Marigold HL Milk with Plant Sterols” tezong samkik uh cih kiza hi.

Bawngnawi Brand adangdang tampi omsam ahih manin, Malaysia gamsung aom Zomi te’n hih Marigold Brand te dawnloh photding ahoihzaw khatam maw? ZD Sawltak #zomidaily