Malaysia, Malacca State sungah khutdawhngen ki khamcip

Malaysia, Malacca State sungah khutdawhngen ki khamcip

Malaysia gamsung aom State minthangkhat ahi Malacca State sung Pulice Area khempeuh ah khutdawhnget kiphal nawnlo ci’n tangkokhia uhhi. Khutdawhngen “Begging” or “Soliciting” bekthamlo in, Tissue nengneng leh vanthemneng paulap in sumgen in avak kawikawite zong kikhamcipding cihi.

Tuabangin akhamkhit nungsang ah agamta aomteitei leh kiman in, dan akipiading hita hi. Chief Minister Datuk Seri Idris Haron in agenna ah tuabang in khuasung ah avakkawikawi te akimuhlai leh kimanin zum kitunding cihi.

Mizawng, pumpi cidamlo taktakte pen kumpi vaihawmna tawh “Welfare Department leh Islamic Affairs Department” panin khasim huhna apiakzawk uh hi a, tuabang in huhna a ngahgigekhin hinapi, khuasung ah mipi hehpihding in omin sumngen te dik asalo uh ahihi.

Hih Warning pen Malaysia gammi tebek hilo in, gamdangmi tuabangin agamta aomlehzong thukhun, thukham ombangin zum kitunding cihi.

Tuaban ah miginalo pawlkhat in naupangno te khuasung ah khutdawhngen in sawl uh a, adiakdiak in Tourist Hotspots akicidiak gamdangmi te painopnadiak te ah naupangno te ahehpihhuai theitheiding in koih uh a, sum ngensak uhhi. Tuate zong kumpi thuneite’n siansuahding uh cihi.

Kuala Lumpur khuasung diakdiak ah khutdawhngen gamdangmi tammahmah mawk hi. Tua gamdangmi te lakah Kawlgammi zong tampi kihelmawk uhhi. Lutuam khutdawhngen atawmzawphial bang Kawlgam leh Bangladesh kikal pan hongpaikhia tepawl hihtuakngel uhhi.

Malacca State ii vaihawmna pen ettehhuai mahmah hi. Khasum khamlo, pumpi cidamlo tepen kumpi huhna apiak uh hi a, amau adingin khuasung ah khutdawhngen in vakkullo dingin huhna akipiasa hi ci uhhi.

More: Malaysia gamsung ah IS tawh akizom mi 3 kiman leuleu

Kawlgam phadiak ah niangtuisai khatpeuh ah ihtutciang in khutdawhngen tammahmah a, nopmawhhuai simtham hi. Khutdawhngen ihcipah keiphial zongin Kawl Buddhist te mahmahzong sumdongin vakkawikawi mawk uhhi. Kawlgam hongkhangto semsem henla, tuate zong hong siansuahleh gamdangmi te adingin inzong etlawm hongsazawkha ngelding uhhi cih behlap pakni. ZD Sawltak #zomidaily