Malaysia, Klang vengsung ah innbuluh in innteeknu abuan Burglar-rapist kimanta

Malaysia, Klang vengsung ah innbuluh in innteeknu abuan Burglar-rapist kimanta

Malaysia, Klang vengsung ah guta innluh bekthamlo, innteeknu abuanpa kimankhiata cih NST pan kiza hi. Tua Burglar & Rapist papen Indonesia gammi khat nahi a, Malaysia gamsung ah omtheihna Permit kician aneilo “illegal immigrant” tawh aomkhat nahi sawnsawn hi.

Zanni Tuesday ni in Shapadu Toll Plaza gei ah Special Police Operation akibawlna panin nitaklam 4:30pm hunpawl in aki mankhia ahihi. Hihpa pen tukum kipatlam pekpan akipan Klang vengsung tengah numei te anawngkaisak zelzelkhat nahi sawnsawn hi.

Hih guta mibuanpa pen Klang vengsung aom Burglars Gang migilo tengtawh akithuah khat ahihi. Tukumsung bekbek inzong Klang vengsung bekbek ah innbuluh “Burglary Cases” 4 veibang hih Burglars Gang te’n neikhin uhhi.

Tuaban ah Taman Melawati ahzong tukumsung mahin khatveimah innbuluh ngeikhin uhhi.

Klang Utara police chief Assistant Commissioner Yusoff Mamat in agenkhiatna ah nungkalsung in Kampung Rantau Panjang sungah innbuluh bekthamlo, innteeknu kibuanna vai aom ciangin Special Operation kibawl in migilo damiah guta teng ki bengkhia hi ci’n genkhia hi.

Nung Saturday ni inzong Kuala Lumpur huamsung aom Gombak leh Taman Medan ah Indonesia gammi pasal nih kimankhia a, tuatetawh hih innluh damiah te kizopna nei uh cihi.

Tuatawh kizom in Serious Crimes Division (D9) te’n Toll Plaza gei ah hih innluh mibuan Burglar-rapist pa aomna kankhiathei in, aman uh ahihi.

Hihpa pen abeisa May 27 ni inzong Meru vengsung aom innkhat ah innluh in alut laitak numeikhat buanding in kipan cihi. Kamphatna tawh numeinu ii anu in mukhalian ahih manin, honkhia thei cihi.

Khakhatzong kihal manlo in nungkal Wednesday zingsanglam 4am hunpawl in Klang, Kampung Rantau Panjang aom innkhat buluh leuleu a, innteeknu khatguak inndei sungah alum amuh ciangin buanphot tadih sawnsawn hi.

Kum 34 aphakhin innteeknu “Housewife” pen amahguak lupna Bedroom sungah alum ahihi. Apasal leh atapa kum 4 aphakhin tegel pen lengnakhan Living Room ah atuamlup cihi.

More: Malaysia, Klang vengsung aom Shopping Mall ii Ceiling kicimsuk, asi aliam omlo bilbel

Innteeknu pen huhna ngending in otsawm himahleh innluhpa in apualam ah kalawmte nih omhi. Na otleh na innkuanpih teng thatmangding hi ung acih ciangin awng ngam nawnlo in, buan athuak kici hi. Sawltak #zomidaily