Malaysia KL Airport ah Saihapaak RM7.2 Million manneiding kiman

Malaysia KL Airport ah Saihapaak RM7.2 Million manneiding kiman

Malaysia, Kuala Lumpur International Airport (KLIA) ah kumthak January 01 ni in Saihapaak RM7.2 Million manneiding kiman cih theSun te’n genkhia uhhi. Hih Saihapaak “elephant tusks” tepen avekin agihna 846.2 kg ahihi.

KLIA Customs Department Director pa ii genna ah New Year ni nitaklam 5.45pm hunpawl in Air Cargo Warehouse ah muanmawh ompian ahih manin, Enforcement Team te’n Checking abawl uhleh amuhkhiat uh cihi.

Tua Saihapaak vaitawh kisai tuni in KLIA Customs Office ah Media tetawh kimuhkhopna nei uh a, tuahunsung in hih KLIA pan akimankhiat Saihapaak vai agenkhiat uh ahihi. Enforcement Team te’n Singkuang 17 sungah Saihapaak akigawm in 254 aom mukhia uh cihi.

Hih Saihapaak te koipan Malaysia gamsung honglut cih akankhiat uhciang in Turkish Airlines tawh Congo gam Kinshasa International Airport panin honglut cih mukhia uhhi. Hih Turkish Airlines vanleng pen KLIA atunma in Istanbuls’ Araturk Airport ahzong Transit bawlphot kici hi.

Hih Saihapaak tepen vanleng tungah akipuakding ciangin Airway Bill tungah “Wood Samples” ci’n Label kithuah a, atunnading akipia Address zong amanlopi khat kipia cihi.

Kumpi thunei te’n hih Saihapaak tepen Malaysia Market dingin honglut hiding ci uh a, thunei te’n kancianna neilai uh ahih manin, kuamah akiman omnailo cih kiza hi.

YouTube Video Clip

More: Awle tawh Selfie kizaihpih sawmnu Awle in pet

Saihapaak pen tamman mahmah a, gamkhatpan gamkhat puaktheihnading in Import Permit aomkeileh kipuatheilo hi. “International Trade in Endangered Species Act 2008 and Convention on International Trade in Endangered Species” cih thukhun tawh kizui in gamkhatpan gamkhat puakziauziauding akikhaam ahihi. ZD Sawltak #zomidaily