Malaysia Bank Negara LRT kahlei tungpan numei khat atuansukpa kimanta

Malaysia Bank Negara LRT kahlei tungpan numei khat atuansukpa kimanta

Malaysia gamsung LRT meileng Station aom kahlei tungpan in pasal khatin numeikhat anunglampan tuansukmawk a, tua atuatsuk laitak Video pen Social Media ah ki thehzakgawp hi. Tua Video Video sungah numeikhat atuansukpa pen Malaysia Police te’n mankhia theita uhhi cih theStar te’n genkhia hi.

Palik thunei City police chief Comm Datuk Mazlan Lazim in agenkhiatna ah tuapa pen kum 34 aphakhin khat hi a, Kampung Batu Muda aom Bus Stop panin zanni Wednesday zankimlam 11:05pm hunpawl in ki mankhiata hi ci’n genkhia hi.

Tuapa pen palik te’n thu asit uhciang in abeisa inzong hihbangdan gitloh gamtatna “Crime” tuamtuam abawlngei miginalo khat ahihlam mukhia uhhi. Abeisa in midangte simmawhna, khuasung kumpi neihsa te suksiatna Vandalism, Criminal Intimidation, Causing hurt cihtetawh tamveipi agitloh gamtat zelzelkhat ahihi.

Abeisa inzong hihbang in agitloh gamtatna hangin Police te’n thu bawlngeikhin uh a, kha 3 sung thong akia ngeikhinsa ahihi.

Hih Social Media tungah Viral Video hongki thehzakthak pen abeisa Monday (November 06) ni in Bank Negara Malaysia leh LRT Station kikawmna Pedestrian Bridge lei tungah nitaklam 1:30pm hunpawl in thupiang kici hi.

Anung panin tuattuksuk athuak numeinu pen kum 34 aphakhin khat hi a, atuksuk akiatsukna hangin akawng nasa in, tuaban ah alungsim lauthawnggawp cihi. Tuaban ah amaitang ataklam abiang zong atuksukna in ki kuiliamkha hi.

More: Kawlpi (Kalaymyo) khuasung lamgei ah Zomi aliamgawp khat kimu

Hih buaina apiankhit asawtlo in Dang Wangi Police Station ah Report bawlpah hi. Police te’n hih migilopa pen “Section 325 of the Penal Code for voluntarily causing grievous hurt” thukhun ombang in thu bawlding uh cih kiza hi. Sawltak #zomidaily