Malaysia Ipoh – Lumut ah Car Accident, mi 5 si, 3 liamgawp

Malaysia Ipoh – Lumut ah Car Accident, mi 5 si, 3 liamgawp

Malaysia gamsung Ipoh – Lumut lamzikpi tungah tuni Monday ni in mawtaw nih ki limphutkhak mahmah a, mi 5 in sihlawh in adangzong mi 3 liamgawp cih theStar News pan kiza hi.

Kumpi thunei te genkhiatna ah hih Accident pen nitaklam 3:30pm hunpawl in thupiang hi a, Toyota Vios khatleh Mercedes-Benz khat aki maiphutkhak uh cihi.

Mercedes-Benz mawtaw tungpan asipen mikhat hi a, kum 46 aphakhin Anita Abu Zarim kici minnei khat ahihi. Amahpen Mercedes-Benz mawtaw ii amaibuk Passenger Seat ah atu ahihi. Amahpen UMW Oil and Gas Company ah Senior Manager khat cihzong kiza hi.

Toyota Vios mawtaw tungpan asipen kum 37 aphakhin Leong Kok Chuen kici ahawlpa leh ama mawtaw sungah atuang Passenger 3 te ahihi. Passenger tepen kum 20 leh 60 kikal cih kiza a, amin apuam akicianin kitheilo cihi.

Hih mawtaw nih kiphutkhakna panin mi 5 takin sihlawh uhhi.

Tuaban ah Mercedes-Benz tungah atuang ahawlpa leh atate 2 zong limliam mahmah uh cihi.

More: Russia in Chechnya ah Operation abawlna pan Police 2 leh gamnuaimi 3 si

Aliam te pen Ipoh aom Raja Permaisuri Bainun Hospital ah kipuakpah a, asite ahihleh Batu Gajah Hospital ah Post-mortem bawlding in kipuak uhhi. ZD Sawltak #zomidaily