Malaysia inn kilamsan khat tungpan Crane kiasuk

Malaysia inn kilamsan khat tungpan Crane kiasuk

Malaysia, Bandar Damansara Perdana aom Construction Site khatah innlamna vangik doptohna in akizang Crane khat kiasuk cih theSun pan kiza leuleu hi. Crane akiatsuk ciangin anuai ah dawl 4 na akiukhat ah awklenglang hi.

Selangor Fire and Rescue Department te genna ah hih Crane kiatna Construction Site pen Empire Bandar Damansara Perdana aom LHDN Building mai ah ahihi ci’n genkhia uhhi.

Hihthu akizakcil in mikhat si kici a, ahi zongin asi aliam omlo ci’n kizakik hi.

Department of Occupational Safety and Health (DOSH) kici kumpi lampan in kipawlna te’nzong aphual ah a sitcianding in paisak uh cih kiza hi.

Malaysia, Kuala Lumpur khuasung ah inn kilamthak, lei kibawl leh leisung ah meileng lampi kikhuat cihte tammahmah a, Accident zong kiza zelzel hi.

More: Malaysia Mid Valley ah leikhat kicim in 1 si, 5 liam, 1 akhe tankhiat kul

Nungkalsung mahmah inzong Kuala Lumpur, Mid Valley Megamall gei ah aki lamsan laitak leikhat kicim a, nasem khatpa ii akhe aphual ah tankhiatkul sakmawk uhhi. Tua akhe aphual ah akitan banah adang khatzong si in, mi 5 zong liam cih kiza hi. ZD Sawltak #zomidaily