Malaysia gamsung aom phalna neilo illegal te’n August 30 ni dongbek hunneilai

Malaysia gamsung aom phalna neilo illegal te’n August 30 ni dongbek hunneilai

Malaysia gam ii Lahwakah “Immigration Department” te’n hongtungding August 31 ni akipan Malaysia gampen omtheih nading, naseptheih nading Permit aneilo “illegal immigrants” kici gamdangmi khempeuh ka siansuahding uhhi ci’n kamciam pia cih Bernama pan kiza hi. (The Immigration Department has pledged to free the country from illegal immigrants beginning Aug 31.)

Malaysia Immigration Department ah alianpenpa ahi Director-general Datuk Seri Mustafar Ali in agenkhiatna ah tuani (August 31) akipan gamdangmi te siansuah nadingin Operasi kinaksep mahmahding hi ci’n genkhia hi.

Tuabangin mat athuakding te lakah phalna neilo, Permit neilo in na asem “illegal foreign workers” gamdangmi nasemte bekthamlo, tuate nasemding in acial, akaikhawm Employer (Boss) tezong kimanding cihi.

Tulaitak Malaysia gamsung ah phalna neilo in aomte pen hongki patkhiatna “Country of Origin” ah aciahkiktheih nadingin ki vaihawmsak hi. Tuapen 3+1 Programme ahih keileh Voluntary Surrender Programme kici hi.

Hih 3+1 Programme pen phalna neilo gamdangmi nasemte amauthu tawh Immigration kumpizum ah ki ap “Surrender” in, hongki patkhiatna gamah aciah kiktheih nadingin Embassy tungtawn cihbangin aki vaihawmsak ahihi.

Tuabangin gamdangmi te hongki patkhiatna gamah ciahkik theihna 3+1 Programme pen August 30 ni dongbek ki honglaiding ahih manin, phalna neilo gamdangmi nasem te’n ahun tawmcik neilai uhhi ci’n Immigration Director-general in zanni Friday (July 20) ni in Reporters te tungah genkhia hi. Kuantan, Jalan Gambang aom inn kilamna Construction Site munnih ah Operasi akibawl khitciangin Press Conference ah Reporters tetung agenkhiat ahihi.

More: Kuala Lumpur khuasung muntuamtuam Operasi bawlna panin gamdangmi 70 kimansuak

Malaysia gamsung ah Immigration Department te makaihna tawh abeisa July 01 ni akipan “Op Mega” kici Operasi nasiatak in abawl ngekngek uh ahihi. Op Mega cih thulu tawh July 01 ni akipan khakhatzong cingnailo in Malaysia gambup ah gamdangmi “illegal immigrants” akiman pen mi 3000 val phakhinta cihzong kiza hi. Sawltak #zomidaily