Malaysia gamsung aom Low Yat Plaza buaina

Malaysia gamsung aom Low Yat Plaza buaina

Malaysia, Kuala Lumpur khuapisung aom Low Yat Plaza pen Electronics leh IT Products zuakna ngiat ahihi. 2009 kumin zong “Malaysia’s Largest IT Lifestyle Mall” ci’n Malaysia Book of Records te’n ciaptehna pahtawina pia uhhi.

Hih Low Yat Plaza sungah zanni 12 July ni in buaina lianpi piang a, Police te’n tuzingsang in mi 3 matbeh uh cih Malay Online in pulak hi. Hih buaina hangin mi 5 liam a, tua aliamte sungpan mi 3 pen Journalists dingin ki ummawh hi.

Buaina kipatna taktakpen News Portals tuamtuam in agendan kibanglo ahih manin koizaw hiding cih ki theicianlo hi. The Star Online te ii genkhiatna ah 11 July ni in Smartphones kizuakna pan migilo te’n van aguksak laitak saizuakte’n mukha uh ahih manin, kitawnggawp uh cihi. Tuahang in lungkimlo uh a, azingciang migilo te honpikhat kuankik uh a, buaina apiangsak hi ci’n genkhia uhhi.

Scene of Low Yat Plaza, Malaysia on 11 & 13 July 2015

https://www.youtube.com/watch?v=HeA2uGGovsA

Ahi zongin Malay Mail Online te genna ah Smartphone zuakna panin vanzuak te leh vanleite kam kinial uh a, tuapan in buaina apiang hi ci uhhi. Vanlei tezong hehmahmah uh a, mi 60 bang ki kaikhawmkik in tua vanzuakna sai hong lehsimkik uh ahihi cihi.

Athu akiciantak in ki theicianlo himahleh Smartphone zuakna pen migilo te’n satzangawp uh a, vankisia teng ii amanbetbet pen RM70,000 bang hiding cihi.

Kuala Lumpur CID chief Senior Asst Comm Datuk Zainuddin Ahmad inzong agenkhiatna ah hih buaina sungah amakaiding in aki ummawh kum 22 aphapan khatzong ki mankhin a, adang mi 6 tezong Police te’n azonsan laitak hi ci’n genkhia hi.

Staraits Times te ii genkhiatna bangin apuakkham aginglian mahmah zong om ci uhhi. Bangbang ahi zongin UN Card neilo peuhmah Low Yat Plaza geiteng nawkloh photphot hoihpen khading hi. Banghanghiam cihleh tuakimteng ah pu te tammahmah hi. Zomi Daily