Malaysia gamsung Bukit Bintang vengsung aom inn kilamna Construction khat panin vandawnah vangik domset Crane khat kiasuk ahih manin numeikhat si cihthu the Star Online pan kiza hi.
Hih tuahsiatna apianpen tuni Thursday (25 August) nitaklam nai 7pm hunpawl hi a, Jalan Raja Chulan lamzikpi tungah ahihi. Asi numeinu pen mawtaw hawlhialhial in lamzikpi tungah apailaitak vandomset Crane ii athemkhat kiasuk ahih manin, a mawtaw ahawlte tutna tungsanpawl pan dengsukkha citciat hi.
Asi numeinu pen Chin Khoon Sing kici minnei khat hi a, kum 23 bek phapan hi.
Atungpan vangik in adenkhak khitciangin hih numeinu pen aphualmah ah sipah a, aluanghawm pen Hospital Kuala Lumpur ah kipuak cih kiza hi.
Hih Accident pianna munpen Pavilion Shopping Mall leh Bukit Bintang meileng Station tetawh kinai mahmah a, mi avaksuk avakto atammahmahna munkhat ahihi.
Tuahsiahnop ciangin aommuang kimlai khatzong atungpan akiasuk vankhatpeuh hangin aki siziauthei himawk hi. Ahi zongin Construction nasepna limlimpen Accident tamdeuhdeuh ahih manin, akiim apaam ah ih omciang kidop huai mahmah cihzong phawk huai veve cih phawkna in neini. ZD Sawltak #zomidaily
Comment piaknop aomleh...