Malaysia Construction Site ah mawtaw khat kidengzan, mi 2 si

Malaysia Construction Site ah mawtaw khat kidengzan, mi 2 si

Malaysia, Klang, Meru aom Construction Site khatah Crane khuammungpi khat kiasuk in anuai a mawtaw tailaikhat dengsuk khalian citciat hi. Tua mawtaw sungah nupa kopkhat atuang hi a, a nupakop tepen aphual ah sipah uhhi.

Hih Accident apianpen nung Friday ni hi a, tuavai tawh kisai thunei mi 3 te zanni in Police te’n mankhia uhhi. Akiman mi 3 tepen set hawlpa Operator leh hih Construction Site ah Safety & Health thunei mi 2 ahihi.

Asite nupa pen kum 51 aphakhin Abd Rahim B Abd Rahman leh kum 46 aphakhin ahi Nurhayati Rosli te ahi uhhi. Atuahsiatna munah 12:30pm hunin sipah uhhi.

Hih tuahsiatna apian ciangin khuasungmi te’n Sungai Pinang Fire and Rescue Department ah hongzasakpah uhhi ci’n thunei khatin genkhia hi.

North Klang District Police te’n hihvai tawh kisai akisam bangin kancianna, dotcianna cihte neiding uh cihi.

Anuai ah YouTube video tomno khat ki enthei dinghi.

Construction machinery collapses onto car in Meru, Klang; two dead

Nungdiak mahmah inzong Kuala Lumpur khuasung, Jalan Raja Chulan aom Construction Site khatpan setvan khat kiasuk in anuai ah mawtaw atailai khat dengkha citciat hi. Asung ah atuang numei khatbek hi a, aphual ah sipah hi.

More: Malaysia: Crane vandopna kiasuk in mawtaw hawllai numei khat sihlawh

Tua Accident zawh kumpi thunei te’n Construction Site te ii Safety khauhtak in a encikding uh acih himahleh kha 3 bek kihal in Accident khat omleuleu hi. Contruction Site geipen Accident tamthei mahmah ahih manin, ahihtheih liailiai nakleh nawklohding hoihpen khading hi. ZD Sawltak #zomidaily