Malaysia, Butterworth lamzikpi tungah ngasapua Lorry khat kibung

Malaysia, Butterworth lamzikpi tungah ngasapua Lorry khat kibung

Malaysia, Butterworth aom Hihgway lamzikpi tungah ngasa apua Lorry mawtawpi khat ki lumlet ahih manin lampi ki khakcipgawp cih theSun tungtawn in kiza hi. Butterworth aom North-South Expressway (NSE) kici Highway tungah sumkuang bangin aki lunglet ci uhhi.

Hih Lorry pen Penang panin Alor Star, Kedah lam zuanin apaikhia hi a, tuni zingsang 10:20am hunpawl in North-South Expressway KM130.6 mun ah aki lumlet ahihi.

Driver pa in a Lorry mawtaw pen ukzo nawnlo, Control zonawnlo ahih manin aki lumletding in ki ummawh a, Driver pa leh anungzui aseppihpa pen liam uh ahih manin Seberang Jaya Hospital ah kipuak uhhi.

Accident piankhitzawh North-South Expressway lamzikpi tungah mawtaw awkcipgawp a, khualzin mite nawngkaisak mahmah hi.

North Seberang Perai District Police panin thunei khatin hihvai tawh kisai pen Road Traffic Rules 1959 tawh kizui in kancianna neiding cih genkhia hi. ZD Sawltak #zomidaily