Malaysia ah Operasi panin akiman gamdangmi 3126 phakhinta

Malaysia ah Operasi panin akiman gamdangmi 3126 phakhinta

Malaysia gamsung ah E-card kici (Enforcement Card) bawltheihding ahun abeizawh akipan Immigration Department te’n Malaysia gambup ah “Ops Mega” ciliang in Operasi limbawl mahmah uhhi. Zanni nitak 5pm ciangciang gamdangmi amatkhiat uh akigawm in mi 3,126 phakhinta hi ci’n NST te’n pulakkhia uhhi.

Immigration Department te’n Malaysia gambup ah phalna omlo gamdangmi nasem “illegal foreign workers” te mat acihin manmanlai ahih manin, amat mite uh hoihtak akikoih mahhiam cih Right Groups pawlkhatte lunghimawhta uhhi.

Tuavai tawh kisai in Malaysia Immigration Department director-general Datuk Seri Mustafar Ali ii gencianna neikhia hi. Malaysia gamsung ah gamdangmi akiman te kepnading Detention Center akigawm in 13 Deports kinei hi. Tua 13 tepen tuciangciang dimgawp nailo, Overcrowded nailo hi.

Ahi zongin pawlkhat Depots te ah gamdangmi akiman te akikoih ngeizahsang in atamzaw om a, tuate pen adang Depot te ah ki Transfer sak kawikawi hi.

E-card bawltheihding Deadline abeikhitzawh July 01 ni akipan Malaysia gambup ah Operasi kibawl in, gamdangmi nasem akigamw in 3,126 kimankhin hi. Tuaban ah nasepnei Employer (Boss) zong akigawm in mi 63 kimankhinta hi.

Immigration Department in hih akiman nasemte leh Boss tepen akhauhpenpen in Action kilaksawm hi. Liausum apiakha zong omding, thong akia zong omding, ciangduai tawh tawsat athuak zong omding uhhi.

Video: Immigration detention depots are not overcrowded

Nungkalsung inzong Employer (Boss) khatin illegal workers 19 tak anasemding in cialkha ahih manin kimankhin a, anasem tezong pawlkhat agam uhah kipuak khinta, Deportation kibawl khinta hi.

Hih gamdangmi nasem akiman te atamzaw pen Construction Site, Manufacturing Company leh Service Industries tuamtuam ah asemte ahi uhhi.

Tuciangciang akimankhin te aki etkik ciangin atamzaw pen Bangladesh gammi hi uh a, akigawm in mi 1183 phakhinta hi.

Related: Kuala Lumpur khuasung aom vanmanpha zuakna Jewellery Shop ah suntangpi in damiah lut

E-card bawltheih hunding ahun apiakbeh nadingin Indonesia kumpi in Malaysia kumpi tungah ngetsak uh a, ahi zongin E-card bawltheih hunding ani ki khinto loding hi ci’n “A total no. The Government has decided not to extend.” Immigration Department pan alianpenpa Mustafar in dawngkik cih kiza hi. Ahi zongin gamnih kumpi ulian te kimuhkhop a, kikupding zong thupi hi ci’n genkhia hi. Sawltak #zomidaily